बुटवल,पुस ९ ।  

नेवाःपुचः नेवाः समाज विकास परिषद रुपन्देहीको २१ औं साधारण सभा बुटवलमा सम्पन्न भएको छ । साधारणसभाको आज एक समारोहकाबीच प्रदेश सरकारका उर्जा, जलश्रोत तथा सिँचाई राज्यमन्त्री अर्जुन प्रसाद श्रेष्ठले उदघाटन गरे ।

उदघाटन कार्यक्रमलाई सम्बोधन गर्दै राज्यमन्त्री श्रेष्ठले नेवार समुदाय एकजुट भएमात्र अधिकार प्राप्त हुन सक्ने बताए ।उनले नेवाः समाज विकास परिषदले गरेको सामाजिक योगदानको प्रशंसा गर्दै परिषदलाई सहयोग गर्न आफु प्रतिबद्ध रहेको बताए ।

उनले अधिकार प्राप्तीका लागि एकजुट हुन नेवार समुदायलाई आग्रह गर्दै प्रदेश सरकारको तर्फबाट समुदायको हक अधिकार दिलाउन आफु प्रतिबद्ध रहेको बताए ।सधारणसभामा परिषदका अध्यक्ष काजिमान श्रेष्ठले वार्षिक प्रतिबेदन र आगामी वर्षको कार्ययोजना प्रस्तुत गरेका थिए । कोषाध्यक्ष चिरन्जिवी श्रेष्ठले आर्थिक प्रतिवेदन प्रस्तुत गरेको सभामा सचिव लक्ष्मी श्रेष्ठले संगठानिक प्रतिवेदन प्रस्तुत गरेकी थिइन् ।

साधारणसभाकै अवसर पारेर परिषदका पूर्व अध्यक्षहरुलाई सम्मान गरिएको थियो भने वर्षभरी परिषदले आयोजना गरेको गतिबिधिहरुमा योगदान पुर्याएका आजिवन तथा साधारण सदस्यहरुलाई प्रशंसापत्र प्रदान गरिएको थियो । परिषदको कार्यक्रममा सहयोग पुर्याउने सहयोगी भागिनी संस्थाहरुलाई पनि सभाका अवसरमा मायाको चिनो प्रदान गरिएको थियो ।

२०५६ सालमा स्थापना भएको परिषदको बुटवल र यस आसपासमा ६ वटा शाखा संस्थाहरु संचालनमा रहेका छन् भने परिषदले आफ्नै भवनमा काजक्रिया घर बनाएर मृतकका परिवारलाई सेवा दिँदै आएको छ । नेवारी भाषा, संस्कृति र परम्परालाई जोगाउन परिषदले नेवारी समुदायमा अत्यावश्यक बेलबिबाह (ईही), ब्रतबन्ध(क्यटापुजा) जस्ता कार्यहरु गर्दै आएको सचिब लक्ष्मी श्रेष्ठले बताइन् । 

नागरिक अनलाइन

लेखकबाट थप

• शुक्रवार, पौष ९ २०७८०६:५२:४१

• Tags:

  # नेवाः समाज विकास परिषद # नेवाः # नेवाःपुचः नेवाः समाज विकास परिषद् रुपन्देही

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण