बुटवल,मंसिर २० ।

नेकपा एमालेको भातृ संगठन अनेरास्ववियु सोमबार संगठन विस्तार तथा सदस्यता वितरण अभियान २०७८ सुरु गरेको छ ।

अनेरास्ववियु केन्द्रीय संगठन विभागले आजदेखि सुरु गरेका महाअभियान काठमाण्डौंमा त्रिचन्द्र क्याम्पसमा पार्टी महासचिव शंकर पोखरेलले शुभारम्भ गरेका थिए भने रुपन्देहीमा पार्टी केन्द्रीय सदस्य तथा संगठनका पूर्वअध्यक्ष खिमलाल भट्टराईले शुभारम्भ गरेको अनेरास्ववियुका केन्द्रीय उपाध्यक्ष यमराज पाण्डेले जानकारी दिए । तराईमधेस क्षेत्रबाट रुपन्देहीले पहिलोपटक अभियान शुरु गरेको उनको भनाइ छ । 
रुपन्देहीको गैडहवा गाउँपालिका वडानं. २ स्थित जोगडा माध्यमिक विद्यालयबाट महाअभियान सुरु गरिएको थियो ।नेकपा एमाले केन्द्रीय सदस्य तथा अनेरास्ववियुका पूर्वअध्यक्ष खिमलाल भट्टराईले अभियानको शुरुवात गरेका हुन् ।

कार्यक्रममा बोल्दै नेता भट्टराई तराई क्षेत्रमा अब विद्यार्थीको हकहित र शिक्षालाई गुणस्तर बनाउन पहेदार गर्न अनेरास्ववियु उदाएको बताए । अहिले पनि विद्यार्थीहरु आवश्यक शिक्षाबाट बञ्चित भएको बताउँदै उनले शिक्षाको विकास संगै विद्यार्थीमा जागरुकता ल्याउन अनेरास्ववियुले महाअभियान सुरु गरेको बताएका थिए ।

जोगडा माध्यमिक विद्यालयबाट सुरु भएको महाअभियान रुपन्देहीका क्याम्पस तथा माध्यमिक विद्यालयमा केन्द्रीत हुने र २५ हजार विद्यार्थी सदस्यता बनाउने गरी महाअभियानको सुरु गरिएको अनेरास्ववियु रुपन्देहीका सचिव प्रकाश पराजुलीले जानकारी दिए ।
कार्यक्रममा बोल्दै अनेरास्ववियुका केन्द्रीय उपाध्यक्ष यम पाण्डेले सहरमा मात्र नभई गाउँगाउँमा अनेरास्ववियु विगुल फुक्न निस्केको बताए ।

कार्यक्रममा अनेरास्ववियु स्थायी कमिटी सदस्य तथा लुम्बिनी प्रदेश संयाेजक सराेज पाेखरेल,नेकपा एमालेका लुम्बिनी प्रदेश कमिति सदस्य राजु बेलाल, अनेरास्ववियु रुपन्देहीका अध्यक्ष शेषकान्त पोखरेलको अध्यक्षता तथा अनेरास्ववियु केन्द्रीय सचिबालय सदस्यहरु बालकृष्ण पाण्डे, लेखनाथ भुसाल, केन्द्रीय सदस्यहरु नविन थापा सारु, कृष्णप्रसाद बस्याल, सिमा घिमिरे, साजन भण्डारीलगाएतले बोलेका थिए ।

महाअभियानको सुरु गरिएको जोगडा माध्यमिक विद्यालयमा २ सय १० सदस्यीय संगठन विस्तार गरिएको बताइएको छ ।

नागरिक अनलाइन

लेखकबाट थप

• सोमवार, मंसिर २० २०७८०७:४२:४४

• Tags:

  # सदस्यता वितरण # अभियान # अनेरास्ववियु

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा