बुटवल,मंसिर १७ । 

मानव अधिकार तथा शान्ति समाज रुपन्देहीले अन्तर्राष्ट्रिय अपाङ्ग दिवसका अवसरमा रुपन्देहीको तिलोत्तमामा रहेको शान्ति नमुना माबिका दृष्टिबिहिन बिद्यार्थिहरुलाई न्यानो पोशाक तथा स्वास्थ्य सामग्री बितरण गरेको छ ।

सो माबिका अध्ययनरत ३० जना दृष्टिबिहिन बिद्यार्थिहरुकालाई स्विटर, नुहाउने साबुन,ब्रस,टुथ पेस्ट,तेल लगायतका सामग्रीहरु हस्तान्तरण गरिएको हो । समाजले २६ हजार बराबरको सामाग्री बितरण गरेको सचिव कपिल ज्ञवालीले जानकारी दिनुभयो ।

सो अबसरमा बोल्दै शान्ति समाजका केन्द्रिय सभापति गोविन्द खनालले सरकारी संयन्त्र तथा संरचनाहरु अपांगमैत्री बन्नुपर्नेमा जोड दिनुभयो । उहाले शारिरिक रुपमा असक्त भएकाहरुसंग पनि अद्भुत क्षमता रहनेगरेको भन्दै उनीहरुको संरक्षणमा सरकार चनाखो बन्नुपर्ने सुझाव दिनुभयो ।

कार्यक्रममा शान्ति नमुना माबिका सहायक प्रधानाध्यापक किशोर खनालले आफ्नो बिद्यालय पूर्ण रुपमा अपांगमैत्री  रहेको र अपांगता तथा दृष्टिबिहिनका लागि आवाशिय होस्टल संचालन गरिरहेको बताउनुभयो । उहाले श्रवण दृष्टिबिहिन र अटिजमका बिद्यार्थीका लागि पनि नमुना काम गरिरहेको जानकारी दिनुभयो ।

समाजले हरेक दिवसहरुमा समाज रुपान्तरणका लागि बिभिन्न तरिकाले काम गरिरहेको शान्ति समाजका जिल्ला सभापति डिपि खनालले जानकारी दिनुभयो ।

कार्यक्रममा पूर्व सभापति लालहरी पाण्डेय, शान्ति नमुना माबिका सहायक प्रधानाध्यापक थानेश्वर बस्याल, समाजका रुपन्देही उपसभापति खिमलाल भट्टराइ (कृष्ण) ,शान्ति समाजको सुचना बिभागका तेजेन्द्र केसी, समाजका कार्यसमिति सदस्य अर्जुन कुवर ,दृष्टिबिहिनसमेत रहेका माबिका पूर्व बिद्यार्थी टीकाराम घिमिरे लगायतको सहभागिता रहेको थियो । 

नागरिक अनलाइन

लेखकबाट थप

• शुक्रवार, मंसिर १७ २०७८०६:२०:५०

• Tags:

  # शान्ति समाज # मानवअधिकार तथा शान्ति समाज रुपन्देही # अन्तर्राष्ट्रिय अपांग दिवस

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग