शनिवार, मंसिर ४ २०७८

बुटवल कालिकामन्दिरमा ४९ कन्याको सामुहिक ईहि यज्ञ

नागरिक अनलाइन

3.5K

बुटवल कालिकामन्दिरमा ४९ कन्याको सामुहिक ईहि यज्ञ

बुटवल,मंसिर ४ ।

नेवा पुचः नेवा समाज विकास परिषद बुटवलको आयोजनामा शनिबारदेखि सामुहिक ईहि यज्ञ (बेल बिबाह) तथा क्यता पुजा (ब्रतबन्ध) शुरु भएको छ।

इही तथा क्यता पुजाको सन्दर्भमा नेवा पुचःको परिसरबाट शुरु भएको कन्या तथा बटुकहरु सहितको रयाली कालिका मन्दिरमा आएर औपचारिक रुपमा यज्ञ शुरु भएको थियो।नेवारी संस्कार संस्कृतिको जगेर्नाका लागि परिषदबाट सामुहिक ईही यज्ञ हुँदै आएको छ।

सामुहिक ईही यज्ञबाट कन्याको खर्च कटौती हुनुको साथै नेवारी पण्डित मार्फत विधिवत सिकाईने गरिएको नेवा पुचःका अध्यक्ष काजीमान श्रेष्ठले नागरिक अनलाइनलाई बताए। मंसिर ४ र ५ दुई दिन हुने कार्यक्रममा नेवारी पंडित हरिशरण राज उपाध्यायले विधिपुर्वक यज्ञ सम्पन्न गराउने उनले बताए।

बिसं २०५६ स्थापना भएर परिषदबाट २०५८ सालदेखि नियमित ईही र क्यता पुजा गरिदै आएको छ।सामान्यतया घरमै यी पुजाहरु गर्दा एउटा कन्याको ६ हजार लाग्ने भएपनि समुहका गर्दा करीब ३ हजार ५ सय रुपैया भन्दा बढि खर्च नहुने आयोजकले जनाएका छन् । दुई दिन चल्ने कार्यक्रममा साधारण, नौ कन्या, पञ्च कन्या र मुल कन्या गरि ४९ कन्याको ईही यज्ञ र ९ जना बालकको क्यता पुजा हुने संयोजक लक्ष्मी श्रेष्ठले बताईन।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)