बुटवल,कात्तिक ३० ।

नेपाली कांग्रेस रुपन्देहीले १३ औं महाधिवेशनबाट निर्वाचित भइ विभिन्न तह र तप्कामा रहेर आफ्नो जिम्मेवारी सफलतापूर्वक निर्वाह गर्ने तीन सय बढी नेता तथा कार्यकर्तालाई सम्मान गर्ने तयारी गरेको छ । 

१३ औं महाधिवेशनबाट निर्वाचित भइ पार्टी तथा जनताको हितमा काम गरेको भन्दै जिल्ला कार्यसमिति, प्रदेश, क्षेत्रीय, वडा, नगर समिति तथा साविक गाउँ समितिका सभापतिहरुलाई यही मंसिर १ गते बुधबार सम्मान गर्न लागिएको नेपाली कांग्रेस रुपन्देहीका सभापति अब्दुल रज्जाकले नागरिक अनलाइनलाइ जानकारी दिए । 

कांग्रेस रुपन्देहीको लागि विशिष्ट योगदान पुर्याएका अन्य सामाजिक व्यक्तिहरुलाइ पनि सम्मान गरिने कांग्रेस रुपन्देहीका सचिव रामकृष्ण खांणले बताए ।

मंसिर १ गते सिद्धार्थनगर नगरपालिका वडा नम्बर १२ स्थित युनिक बेन्क्युटमा हुने कार्यक्रममा प्रमुख अतिथि नेपाल सरकारका गृहमन्त्री एवं नेपाली कांग्रेसका केन्द्रीय सदस्य बालकृष्ण खांण र विशिष्ट अतिथि सार्वजनिक लेखा समितिका सभापति भरतकुमार शाह रहने कांग्रेस रुपन्देहीले जनाएको छ ।

नागरिक अनलाइन

लेखकबाट थप

• मंगलवार, कार्तिक ३० २०७८०३:५३:५८

• Tags:

  # रुपन्देही कांग्रेस # नेपाली कांग्रेस # सम्मान

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा