बुटवल,असोज १७-

प्रधानमन्त्रीको किचेन क्याबिनेटका अधिकांश सदस्यमा कोरोना भाइरस संक्रमण देखिएको छ । प्रधानमन्त्री केपी शर्मा ओलीको सचिवालयका पाँच जनामा कोरोना भाइरस संक्रमण पुष्टि भएको हो ।

कोरोना भाइरस संक्रमण पुष्टि हुनेमा प्रधानमन्त्री ओलीका प्रमुख राजनीतिक सल्लाहकार विष्णु रिमाल, परराष्ट्र मामिला सल्लाहकार डा राजन भट्टराई, प्रेस सल्लाहकार सूर्य थापा, प्रमुख स्वकीय सचिव इन्द्र भण्डारी रहेका छन् ।

शुक्रबार गरिएको पीसीआर परीक्षणमा उनीहरूलाई कोरोना भाइरस संक्रमण पुष्टि भएको हो । उनीहरूले सामाजिक सञ्जालमार्फत आफूहरूमा कोरोना भाइरस संक्रमण देखिएको पुष्टि गरेका हुन् । उनीहरूले केही दिनयता सम्पर्कमा रहेका व्यक्तिलाई सचेत रहनसमेत आग्रह गरेका छन् ।

‘हिजोको पीसीआर परीक्षणले म मा कोरोना पोजिटिभ देखियो । यसबीचमा सम्पर्कमा रहनुभएका सबै मित्रहरूले विशेष सावधानी अपनाउन आग्रह गर्दछु’, रिमालले फेसबुकमा लेखेका छन् ।

पछिल्लो २४ घण्टामा २१२० थप जनामा कोरोना भाइरसको संक्रमण पुष्टि :

पछिल्लो २४ घण्टामा २१२० थप जनामा कोरोना भाइरसको संक्रमण पुष्टि भएको छ । देशभरका प्रयोगशालामा १२ हजार ९७८ नमुना परीक्षण गर्दा ७६६ महिला र १३५४ पुरुषमा संक्रमण पुष्टि भएको हो ।

यससँगै कुल संक्रमितको संख्या ८४ हजार ५७० पुगेको छ । उनीहरुमध्ये ५२८ जनाको मृत्यु भएको छ भने ६२ हजार ७४० जना संक्रमणमुक्त भएका छन् । २०४४ जना पछिल्लो २४ घण्टामा मात्र कोरोना संक्रमणमुक्त भएका हुन् ।

नागरिक अनलाइन

लेखकबाट थप

• शनिवार, आश्विन १७ २०७७०६:०१:५४

• Tags:

  # नेकपा # प्रधानमन्त्रीको सचिवालय # विष्णु रिमाल # राजन भट्टराई # सूर्य थापा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा