शुक्रवार, कार्तिक २६ २०७८

रक्तिम परिवारकी शशक्त गायिका लक्ष्मी गुरुङको निधन

नागरिक अनलाइन

2.0K

रक्तिम परिवारकी शशक्त गायिका लक्ष्मी गुरुङको निधन

बुटवल,कात्तिक २६ ।

चर्चित गायिका लक्ष्मी गुरुङको निधन भएको छ । उनको उपचारकै क्रममा रुपन्देहीको यूनिभर्सल मेडिकल कलेज अफ भैरहवामा मृत्यु भएको हाे ।

दमको रोगी ६० वर्षीया गुरुङलाई दम र निमोनियाका कारण थला परेकी थिइन् । उनी विस २०४७ सालदेखि रक्तिम परिवारमा आवद्ध थिइन् । बुटवल चाँदबारीमा घर भएकी उनले रक्तिम जनगिती यात्रा भाग ४ बाट निरन्तर स्वर दिँदै आएकी थिइन् ।

उनले रक्तिम सांस्कृतिक अभियानका प्राय गीतमा गायक जीवन शर्मासँगै सुमधुर स्वर दिएकी छन् ।

उनी भाषा,साहित्य,कला,संस्कृति प्रतिष्ठान बुटवलकी उपाध्यक्ष समेत हुन् । झण्डै ४ दर्जन गीतहरु गाइसकेकी गुरुङका ‘यो मेरो जिवन’, ‘नेपाली माटोमा फुलेको फुल’, ‘परदेशीको सपना’, ‘सामान्तले नौ जाल वुन्छ’ लगायतका बोलहरु चर्तित छन् । उनी राष्ट्रिय जनमोर्चा निकट रक्तिम सांस्कृतिक अभियानको केन्द्रिय सल्लाहकार हुन् ।

कलाकार गुरुङलाई राष्ट्रिय जनमोर्चाले शुक्रबार बिहान झण्डा ओढाएर सम्मानसहित बुटवल हिलपार्क स्थित गुरुङ डाँडामा श्रद्धाञ्जलीसहित अन्तिम दाहसंस्कार गर्ने कार्यक्रम रहेको सो पार्टीले जनाएको छ ।