स्याङ्जा,कात्तिक १२ ।

पूर्व प्रधानमन्त्री एवं नेपाल कम्युनिष्ट पार्टी (एकिकृत समाजबादी )का अध्यक्ष माधव कुमार नेपालले नेकपा एमालेलाइ  कुनै पार्टी नभएर केपी ओली फाउण्डेसनको संज्ञा दिएका छन् ।

कुनैपनि पार्टीमा व्याक्ति प्रदान हुदैन अध्यक्ष नेपालले भने,‘पार्टीमा नीति, सिद्धान्त र बिचार प्रदान हुन्छ ।’ ओलीले नेतृत्व गरेको पार्टी कम्पनी हो यसको बिलय हुन समय लाग्दैन -उनले भने ।

विचार नसुन्ने, कार्यकर्ताको भावना माथी कुठाराघात गर्ने प्रतिगमनका मतियार बन्ने ओली प्रबृत्ति बिरुद्ध बिद्रोह गर्न बाध्य भएको अध्यक्ष नेपालले बताए । नेपालको इतिहासमा बिद्रोह गरेको कम्युनिष्ट पाटी फस्टाएको उदाहरण दिदै अध्यक्ष नेपालले ओलीले नेतृत्व गरेको फाउण्डेसन पार्टी केशरजंग रायमाझी भन्दा फरक नहुने जिकिर गरे ।

नेपाल कम्युनिष्ट पाटी एमाले विभाजन पछि नयाँदल निमार्ण गरेको नेपाल कम्युनिष्ट पार्टी (एकिकृत समाजबादी ) ले स्याङ्जामा शुक्रवारबाट पार्टी कार्यालय उद्घाटन गरेको छ । नेकपा (एस) भन्ने पाटीमा कार्यकर्ता नै नभएको आरोप नेकपा एमाले स्याङ्जाले लगाउदै आएको थियो । यसको चुनौती दिदै नेकपा (एस) को केन्द्रीय अध्यक्ष माधबकुमार नेपालको प्रमुख आथित्यतामा जिल्ला पार्टी कार्यालयको उद्घाटन गरिएको हो । 

करिब ४५ मिनेट भाषण गरेका अध्यक्ष नेपालले अधिकांश समय नेकपा एमाले अध्यक्ष केपी ओलीलाई गाली गर्नेमै खर्चिएका थिए । सरकारमा रहदा अर्वौ आर्थिक भष्टचार गरेको आरोप लगाउदै अध्यक्ष नेपालले कम्युनिष्ट आन्दोलनलाई धुजा धुजा बनाउन ओली तल्लिन रहेको बताए ।

एकिकृत समाजबादीको शक्ति सुदुर पश्चिममा हेर्नुपर्ने बताउदै नेता नेपालले समाजबादीको शक्ति देखेर केपी ओलीको निद हराम भएको जिकिर गरे ।  सुदुरपश्चिममा हाम्रो पार्टी पहिलो र एमाले चौथो रहेको बताउदै अध्यक्ष नेपालले आगामी निर्वाचनमा एमाले चौथो पार्टी बन्ने ढोकुवा गरे ।  

ओलीको कामै अग्रगमनको बिरोध गर्ने र प्रतिगमनको मतियार भएको बताउदै पुर्व प्रधामन्त्री समेत रहेका नेपालले सत्ताबाट हट्ने डरले दुई दुई पटक प्रतिनिधी सभा बिघटन गरेको आरोप लगाए ।  

पार्टीमा बिचार, सिद्धान्तका काम ठिक भएमा सबैले वाह वाह भन्ने बताउदै बिचार नभएकोलाई बाई बाई गनुपर्ने नेपालले बताए । आगामी निर्वाचनमा काग्रेस, माओबादी, समाजबादी, जसपा, जनमोर्चा मिलेर चुनाब लड्ने बताउदै नेपालले आगामी चुनाबमा ओली फाउण्डेसनको भबिष्य सकिने दावी गरे ।

उद्घाटन कार्यक्रममा नेपाल सरकारका स्वास्थ्य तथा जनसंख्या मन्त्री बिरोध खतिवडाले अबको २० दिनमा १२ बर्ष माथिकालाई खोप लगाउन एक करोडको सम्झौता भएको बताए । १८ बर्ष माथीकाले खोप लगाइरहेको र चाडै सबैले लगाउने बताउदै मन्त्री खतिवडाले १२ बर्ष मुनिकालाई खोपले मान्यता पाएसगै ल्याउने बताए । ओली सरकारले कुनै लक्ष्य बिना सयौ अस्पताल काठमाडौ बसेर उद्घाटन गरेको बताउदै मन्त्री खतिवडाले पुर्जा र डीपीआर ल्याए अस्पताल खोल्न सरकारले रकम बिनियोजन गर्ने बताए । 

कम्युनिष्टका ठुला दुई पार्टी एकिकृत हुदाँ जनतामा आसा जागेको बताउदै मन्त्री खतिवडाले जनताले दिएको बिश्वास माथी ओलीले घात गरेको आरोप लगाए ।

उखान टुक्काले पार्टी र देश नचल्लने बताउदै यस्ता भ्रममा नपर्न सबैलाई मन्त्री खतिवडाले आग्रह गरे । कार्यक्रममा स्थायी कमिटी सदस्य रामजी शर्मा, केन्द्रिय सदस्य ताज महोम्बद मियाँ, जिल्ला इन्चार्ज प्रेम नारायण पौडेल, सांसद कलिलाँ खान,  जिल्ला अध्यक्ष रामचन्द्र भट्टराई,  उपसचिब टिकाराम नेपाली लगायतले समाजवादी पार्टीलाई बलियो र गर्बिलो बनाउन सबै जुट्ने बेला आएको बताएका थिए ।  

नागरिक अनलाइन

लेखकबाट थप

• शुक्रवार, कार्तिक १२ २०७८०६:१७:०४

• Tags:

  # माधवकुमार नेपाल # माधबकुमार नेपाल # नेपाल कम्युनिष्ट पार्टी (एकिकृत समाजबादी )

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा