बुटवल,असोज २० ।

भारतमा अलपत्र परेका सर्लाही र रुकुमका दुइ जना बालकलाई उद्धार गरिएको छ । भारतस्थित प्रवासी नेपाली मित्र मञ्चको सहयोगमा मानव कल्याण मित्र मञ्च नेपालले भारतको फिरोजाबादबाट उद्वार गरी नेपाल ल्याइएको छ ।

भारतको फिरोजाबादको बालगृहबाट रुपन्देही ल्यायएका बालकलाई जनप्रतिनिधि र जिल्ला प्रशासनको रोहवरमा भोली घरपरिवारलाई बुझाइने मानव कल्या मित्र मञ्च नेपालका अध्यक्ष दुर्गाप्रसाद अर्यालले जानकारी गराउनुभयो ।

तीन वर्ष अघि भारत गएका बालहरु अलपत्र परेर बालगृहमा रहेको थाहा पाएपछि त्यहांको प्रशासन र नेपाली राजदुतावाससंग समन्वय गरेर उद्वार गरिएको प्रवासी नेपाली मित्र मञ्च भारतका अध्यक्ष विष्णुप्रसाद खनालले जानकारी गराउनुभयो ।

 रुकुमका १५ वर्षिय र सर्लाहीका १६ वर्षिय बालकलाई उद्धार गरिएको मंचका दिल्ली राज्य समितिका अध्यक्ष बाबुराम थापाले नागरिक अनलाइनलाइ बताउनुभयाे । मानव कल्याण मित्र मञ्च नेपालले बालवालिका र महिलाको क्षेत्रमा काम गर्दै आएको छ ।

नागरिक अनलाइन

लेखकबाट थप

• बुधवार, आश्विन २० २०७८०६:३६:१०

• Tags:

  # उद्धार # प्रवासी नेपाली मित्र मञ्च # मानव कल्याण मित्र मञ्च नेपाल # दुर्गाप्रसाद अर्याल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा