बुटवल,भदौ २९ । 

रुपन्देहीको तिलोत्तमा ५ मा भएको रहस्यमय मृत्यु प्रकरणपछि शुरु भएको आन्दाेलन राेकिएको छैन । 

मणिग्रामका ४३ वर्षीय टीका पौड्यालकी पत्नी सीता भदौ १९ गते आफ्नै घरको कोठामा मृत अवस्थामा फेला परेकी थिइन् । पोष्टमार्टम रिपोर्टमा भने सीताले झुण्डिएर आत्महत्या गरेको देखिएपनि माइती पक्षले भने सीताको हत्या गरेर आत्महत्या भनिएको भन्दै न्याय मागिरहेको छ ।

बिहे भएको २ बर्षपछि आफ्नै घरको कोठामा मुखबाट रगत बगेको, गला कसिएको र भुइँमा लडेको अवस्थामा सीताको शव भेटिएको थियाे ।

नगरपालिका–५ घर भएकी २७ वर्षीय सीता भण्डारी पौड्यालको मृत्यु भएको दश दिन बित्दा पनि उनको शव उठेको छैन ।  घटनाबारे उच्चस्तरीय छानबिन गरेर न्याय पाएमा मात्रै शव बुझ्ने सीताका बुबा हरिप्रसाद भण्डारीले नागरिक अनलाइनसंग बताए ।

अहिले आन्दोलन नरोकिएपछि प्रहरीले मृतकका श्रीमान् टीका पौड्यालसहित तिलोत्तमा ५ का वडा सदस्य रहेका मृतकका जेठाजु हरि पौडेल र पौडेलकी दिदी (आमाजू) विष्णुलाई नियन्त्रणमा लिएको छ ।

प्रहरीले जाहेरी लिन नमानेपछि तलाेत्तमा ८ मा रहेको माइती पक्षले दिनहुँजसो घटनाबारेमा सत्यतथ्य र न्याय खाेज्दै आन्दाेलन चर्काइरहेका छन्  ।आन्दाेलनकी अभियान्ता आयुषा कंडेलले सीताले न्याय नपाउन्जेल आफूहरुले चलाएको आन्दाेलन नराेकिने बताइन् ।

अबको २ दिनमा निश्कर्ष निस्किने रुपन्देहीका सिडियाेले आश्वासन दिएको उनले नागरिक अनलाइनसंग बताइन् । उनले आफूहरु न्याय खाेज्न र दबाब दिन तिलाेत्तमा नगरपालिकामा जाँदा प्रहरीले हस्तक्षेप गर्दा हातमा चाेट लागेको र तीन जना प्रहरी पनि घाइते भएकाे बताइन् ।

शान्ति समाजद्वारा घटनाबारे स्थलगत जानकारी :

यसैबिच मानव अधिकारकर्मीहरुको एक टाेलीले घटनाबारे स्थलगत अवलाेकन गरेर सराेकारवालाहरुसंग छलफल समेत गरेको छ ।  मानव अधिकार तथा शान्ति समाज रुपन्देहीका सभापति डिपी खनालले घटनाबारे सत्यतथ्य पत्ता लगाइ पिडितलाई न्याय दिनुपर्ने बताए ।

टाेलीमा शान्ति समाज रुपन्देहीका सचिव कपिल ज्ञवाली,सहसचिब कृष्ण पाण्डे,पूर्व सचिव तेजेन्द्र केसी तथा  पदाधिकारी सदस्य सहभागि थिए ।

घटनास्थलको प्रकृति र पृष्ठभूमिले छोरीको हत्या नै भएको भन्दै किटानी जाहेरी दिएका थिए । तर प्रहरीले भने किटानी जाहेरी लिन मानेन,नियन्त्रणमा लिएका २ जनालाइ आत्महत्या दुरुत्साहनका लागि साेधपुछ गरेको छ ।

• रुपन्देहीको तिलोत्तमामा युवतीको ‘संकास्पद हत्या’,प्रहरीले जाहेरी दर्ता गरेन !
• सीता मृत्यु प्रकरण : १० दिनपछि प्रहरीले किटानी जाहेरी दर्ता गर्यो

नागरिक अनलाइन

लेखकबाट थप

• मंगलवार, भाद्र २९ २०७८०९:४०:१२

• Tags:

  # हत्या # सीता पाैडेल # तिलाेत्तमा नगरपालिका # रहस्यमय मृत्यु # सीता भण्डारी

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन