बुटवल,भदौ २७। 

थारु समुदायले आज अट्वारी पर्व उल्लासपूर्वक मनाउँदैछन् । रूपन्देही, दाङ, सुर्खेत, बाँके, बर्दिया, कैलाली, कञ्चनपुरमा अट्वारी पर्व धुमधामसँग मनाउँदै आइएको छ ।

दाङका तुलसीपुर उपमहानगरपालिका, घोराही उपमहानगरपालिका, गढवा गाउँपालिका लगायतका स्थानीय पालिकाहरुले अट्वारी पर्वको अवसरमा थारु समुदायका मानिसलाई सार्वजनिक बिदा दिएका छन् ।

लुम्बिनी प्रदेश सरकारले पनि दाङ, बाँके, बर्दिया जिल्लाका थारु समुदायका मानिसहरुलाई सार्वजनिक बिदा दिएको छ ।  

अट्वारी पर्व कृष्णा जन्माष्टमीको आठ दिनपछि आउने आइतबारका दिन मनाउने प्रचलन थारु समुदायमा छ। यो पर्व सूर्य अर्थात शक्तिको उपसनाको लागि गर्ने गरिन्छ। थारु समुदायले  अष्टमीपछि चन्द्रमा देखिना साथ अट्वारी पर्व  मनाउने गर्छन ।

थारु समुदायका पुरुष अट्वारीमा पानी पनि नखाइ व्रत बस्ने गर्छन । आफ्नो लागि चोखो खानेकुरा आँफै पकाउँछन । यो पर्वमा  महिलाको भूमिका व्यवस्थापकीय मात्रै रहन्छ ।

अट्वारीमा रोटी, काँक्रा, दही, केरा जस्ता स्थानीय परिकार खाइन्छ। ती परिकार खानु भन्दा पहिला छोरीचेलीका लागि अग्रासन (कोशेली) झिकेर पूजा गर्ने परम्परा छ।

भोलिपल्ट बिहान पाँच वा सात प्रकारका गेडागुडीयुक्त तरकारी, भात खाइसकेपछि आफ्ना चेलीबेटीलाई काशेली (अग्रासन) दिन जाने चलन छ। उनीहरु कोशेली छोड्न चेलीबेटीको घर–घरमा आँफै पुग्छन् ।

अट्वारी पर्वलाई आफ्ना चेलीवेटी सम्मान तथा दाजुभाइ र दिदीबहिनीबीच आपसमा सद्भाव साटासाट गर्ने पर्वका रुपमा लिने गरिन्छ ।

नागरिक अनलाइन

लेखकबाट थप

• आइतवार, भाद्र २७ २०७८१०:२३:२२

• Tags:

  # अट्वारी पर्व # थारु समुदाय

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...