बुटवल,भदाै २३ ।

लुम्बिनी प्रदेशसभामा जनता समाजवादी पार्टीकी सांसद निर्मला मुडभरी भट्टराईले सपथ लिएकी छन् । सभामुख पूर्णबहादुर घर्तीले मुडभरीलाई बुधबार सपथ गराएका हुन् ।

मुडभरी निर्वाचित भएसँगै लुम्बिनीमा जसपाका सांसद ४ जना पुगेका छन् । प्रदेशसभा सदस्य कल्पना पाण्डे लम्साललाई पाार्टीको निर्णयविपरीत यसअघिको शंकर पोखरेल नेतृत्वको सरकारमा गएपछि जसपाले कारबाही गरेर पदमुक्त गरेको थियो ।

उक्त रिक्त स्थानमा समानुपातिक मधेशी समावेशी समूहबाट निर्वाचन आयोगको भदौ १० गतेको बैठकले निर्मलालाई निर्वाचित गरेको थियो ।

जसपाले कल्पना पाण्डेसहित सन्तोषकुमार पाण्डेय, विजयबहादुर यादवलाई पनि कारबाही गर्दै प्रदेशसभा सदस्यबाट निलम्बन गरेको थियो । पाण्डेय र यादव भने प्रत्यक्ष निर्वाचित हुन् ।

लुम्बिनी प्रदेशसभामा प्रमुख विपक्षी दल एमालेका ३६, नेपाली कांग्रेसका १९, माओवादी केन्द्रका १९ (सभामुखबाहेक),राष्ट्रिय जनमोर्चाका १ र स्वतन्त्र राजनीतिक समूहका १ जना गरी ८१ जना सांसद छन् ।

नागरिक अनलाइन

लेखकबाट थप

• बुधवार, भाद्र २३ २०७८०३:२५:००

• Tags:

  # सांसद निर्मला मुडभरी # सपथ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा