शनिवार, भाद्र १९ २०७८

लायन्स बुटवल शान्तिदीपद्वारा अभियान नेपाल बालगृहमा दरसंगै आर्थिक सहयोग

नागरिक अनलाइन

2.2K

लायन्स बुटवल शान्तिदीपद्वारा अभियान नेपाल बालगृहमा दरसंगै आर्थिक सहयोग

बुटवल,भदाै १९।

लायन्स क्लव अफ बुटवल शान्तिदीपले सैनामैना १ बनकट्टामा रहेको अभियान नेपाल बालगृहका बालबालिकालाई तीजको दर खुवाउनुका साथै आर्थिक सहयोग गरेको छ ।

क्लवका अध्यक्ष बाबुराम खनाल र प्रमुख अतिथी लायन्स क्लब अफ बटवल डायनामिक लेडिजकी अध्यक्ष तथा जोन चेयर पर्सन रिता शर्माले बालगृहका संरक्षक मना शाहीलाई आर्थिक सहयोग हस्तान्तरण गरेका छन् ।

१५ जना असहाय बालबालिकाहरुलाई तिलक शाही र मना शाही (श्रीमान/श्रीमती) संरक्षक रहेर आफ्नै चार कठ्ठा जग्गामा बिभिन्न संघ सस्थाको सहयोेगमा आवास निर्माण गरी बालबालिकाको पठन-पाठन पालन-पोषण गरेको संरक्षक शाहीले बताईन् ।

सामाजिक कार्यमा क्रियासिल यस क्लवले साउनमा बुटवलको पाणिनी पार्कमा प्रकृति संरक्षणको उदेश्यले वृक्षारोपण समेत गरेको थियो । २०२१ जनवरीमा स्थापना भएको क्लवले आगामी दिनमा पनि सेवा भाव अझै बढाएर समाज सेवामा अझै क्रियासिल रहने अध्यक्ष खनालले बताए ।

कार्यक्रमको सञ्चालन सचिव विशाल पन्थी गरेका थिए भने स्वागत मन्तव्य क्लवका डाइरेक्टरहरु रामहरि भुसाल र संयोजन अर्का सदस्य खिमा आचार्यले गरेका थिए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)