बुटवल,भदौ ९ ।

नेपाल जेसीजको ५०औँ राष्ट्रिय महाधिवेशन बुटवलमा हुने भएको छ । बुटवल जेसीजको तेस्रो संचालक समिती तथा पूर्व अध्यक्षहरुको बैठकले महाधिवेशन बुटवलमा नै गर्ने निर्णय गरेको बुटवल जेसीजका अध्यक्ष गोपाल प्रसाद चापागाईले जानकारी दिनुभयो ।

सन् २०२३ मा हुने ५० औं महाधिवेशन आतिथ्यता गर्नका लागि बुटवल जेसीजले नेपाल जेसीजमा आसय पत्र  पेस गर्ने निर्णय गरेको हो ।

नेपाल जेसीजको  ४८ औं महाधिवेशन पोखरा जेसीजले आतिथ्यता गर्दैछ भने ४९ औं महाधिवेशन बिरगंज जेसीजले गर्दैछ । ४८ औं  महाधिबेशनबाट स्वीकृत भएमा ५० औं महाधिवेशन आतिथ्यता गर्ने बुटवल जेसीजले गर्नेछ ।

बुटवल जेसीजले यस अघि दुई पटक नेपाल जेसीजको राष्ट्रिय महाधिवेशन आतिथ्यता गरिसकेको छ । तेस्रो पटक आतिथ्यता गर्न लागेको महाधिवेशनमा बुटवल जेसीज तथा नेपाल जेसीज दुबैको ५० औं बार्षिक उत्सव रहेकोले उक्त महाधिवेशन बुटवल जेसीजले आतिथ्यता गर्न व्यग्र इच्छा रहेको बुटवल जेसीजका महासचिव बिनोद घिमिरेले नागरिक अनलाइनलाई बताउनुभयो ।

सो महाधिबेशनमा नेपालभरबाट करिव १६५ शाखाका करीब ३ हजार जेसीज युवाहरुको उपस्थिति रहनेछ । भने यसका कारण आन्तरिक पर्यटनमा ठूलो टेवा पुग्ने विस्वास गरिएको छ ।

नागरिक अनलाइन

लेखकबाट थप

• बुधवार, भाद्र ९ २०७८०२:४८:५५

• Tags:

  # बुटवल जेसीज # नेपाल जेसीजको ५० औँ राष्ट्रिय महाधिवेशन

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान