गुल्मी,भदौ ३।

गुल्मी समाज भिक्टोरिया अष्ट्रेलियाले नारीहरुको महान पर्व हरितालिका तिजका अवसरमा एकल तीजगीत  तथा नृत्य प्रतियोगिता सञ्चालन गर्ने भएको छ ।

कोभिड १९को प्रभावले गर्दा यस बर्ष पनि एकल तीजगीत  प्रतियोगिता  अनलाइन माफत गर्ने गुल्मी समाज भिक्टोरिया अष्ट्रेलियाका सचिव प्रकाश अर्यालले जानकारी दिए ।  साथै प्रतियोगितामा अष्ट्रेलियाभित्र रहेका नेपाली महिला कलाकारहरु तथा बिश्वका अन्य जुनसुकै देशका नेपाली कलाकारहरूले प्रतियोगितामा सहभागिता जनाउन पाउने समाजले जनाएको छ । तीजगीत  प्रतियोगिता  यहि अगस्त २१ देखि शुरूभई सेम्टेवर ११ सम्म प्रतियोगिता सञ्चालन हुने छ ।

प्रतियोगितामा सहभागी कलाकारहरूको फेसबुकको लाइक र शेयरलाई आधार बनाएर ५०५, इन्स्टाग्राम र युटुवलाइ‌ आधार बनाएर ५०५ अंक निर्धारण गरि मुल्यांकन गरिने जनाईएको छ । प्रतियोगितामा सहभागीता जनाउनको लागि कलाकारहरूले समाजको इमेल आइडी gulmisamajvictoria@gmail.comमा आफ्नो प्रस्तुतीको भिडियो मेल गर्न सकिने समाजले जनाएको छ । त्यस्तै  तिजगित प्रतियोगितामा विशेष गरि तिजको पुरानो मौलिकपन र कला संस्कृतिको भएको गित तथा नृत्यलाई प्राथमिकता दिइने छ । तिजगित प्रतियोगितामा  अष्ट्रेलियाबाट प्रथम,द्धितीय र तृतीय हुनेले  क्रमश ७५० डलर,५०० डलर र २५० डलर पाउने छन ।

भने विश्वका अन्य देशबाट सहभागी भएर प्रथम,द्वितीय,तृतीय हुनेले नेपाली रकम नगद रु.२१ हजार,१५हजार ,१० हजार र सम्मान पत्र पाउने गुल्मी समाज भिक्टोरिया अष्ट्रेलियाका सचिव अर्यालले जानकारी दिए । यस प्रतियोगिता कार्यक्रमलाई मुख्य प्रायोजनको रूपमा अष्ट्रेलियाको‌ मेलबर्नमा  स्थित रहेको ओल्ड दरवार  नेपाली रेष्टुरेन्टले सहयोग गरेको छ ।साथै अन्य धेरै सस्थाहरुले समेत प्रायोजन गरि सहयोग गरेका छन् ।

नागरिक अनलाइन

लेखकबाट थप

• बिहिवार, भाद्र ३ २०७८०३:०८:४५

• Tags:

  # तीजगीत प्रतियोगिता # गुल्मी समाज भिक्टोरिया

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल