बुटवल,भदाै १ ।

लुम्बिनी प्रदेशका नवनियुक्त मुख्यमन्त्री कुलप्रसाद केसीले मुक्तिनाथ धामको दर्शन गरेका छन् । साउन महिनाको अन्तिम साेमबार  बुटवल १२ स्थित मुक्तिनाथ धाममा पुगेर पूजाआजा गरेका हुन् ।

स्वामी नारायण मुक्तिनाथ धाममा पुगेका उनले विशेष रुद्राभिषेक,जलार्पण ,पूजा र आरती गर्नुका साथै स्वामी लोकानन्दबाट प्रसाद ग्रहण गरेका थिए ।

सन्चारकर्मीसँग कुरा गर्दै मुख्यमन्त्री केसीले देशको विकास र समृद्धिभित्र धार्मिक पर्यटन सांस्कृतिक सम्पदाको पनि उच्च योगदान रहको बताए । उनले धार्मिक पीठ र सांस्कृतिक सम्पदाहरुको विकास गर्नुपर्नेमा जाेड दिए ।

उनीसंगै नेकपा एमाले माधव समुहका प्रदेश सांसद बिष्णु पन्थीले पनि धाममा पुगि दर्शन पूजा गरेका थिए । प्रदेश सांसद बिष्णु पन्थीले कपिलबस्तुको कैलाशधाममा निर्माण गरिने दिब्य ज्याेतिर्लिङ्गका बारेमा मुख्यमन्त्री केसीलाई जानकारी गराएका थिए । कैलाशधामलाई नमुना बनाइने पन्थीले बताए । 

साेही अवसरमा धाममा जारी श्रावण महाेत्सव शिव साधना तथा संकृतन हवनात्मक महायज्ञ पनि समापन गरिएको धामका प्रमुख स‌ंरक्षक स्वामी लोकानन्दले नागरिक अनलाइनलाई जानकारी दिए । 

धाममा श्रावण महिनाभर सामाजिक दुरी कायम गरेरै शिव पूजन चलिरहेको थियाे ।

नागरिक अनलाइन

लेखकबाट थप

• मंगलवार, भाद्र १ २०७८०८:१९:५८

• Tags:

  # मुख्यमन्त्री # लुम्बिनी प्रदेश # मुक्तिनाथ धाम # मुख्यमन्त्री कुलप्रसाद केसी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा