मंगलवार, श्रावण २६ २०७८

रुपन्देहीमा रोबिन हुड आर्मी स्थापनाको १ वर्ष पुरा

नागरिक अनलाइन

2.4K

रुपन्देहीमा रोबिन हुड आर्मी स्थापनाको १ वर्ष पुरा

बुटवल,साउन २६ ।

रोबिन हुड आर्मी रुपन्देहीमा स्थापना भएको १ वर्ष पुरा भएको छ । रोबिन हूड आर्मी एक सामाजिक सेवामा आधारित, शून्य कोष संगठन हो जसमा संलग्न स्वयंसेवकहरुले रेष्टुरेन्ट र समुदायबाट खाना संकलन गरेर मानिसहरूलाई सेवा पुर्‍याउने काम गरिरहेका छन् ।

यो संगठन रुपन्देहीमा संचालित भएदेखि अहिलेसम्म मैनादेवी अनाथ आश्रम , नेपाल अपाङ्ग आश्रम , ट्राफिक चोक , देवीनगर तथा नगरभित्र खाना नपाएर अभावमा बसेकालाई खाना पुर्याउने काम भएको छ र तिहारको अवसर पारेर गोरीसिंह , भुद्धभुमी नगरपालिका-२ मा साठ्ठी घरलाई खाद्यान्न सहयोग भएको छ जसमा ५२५ किलो चामल , ७५ किलो दाल , ३५ किलो नुन र २० लिटर तेल रहेको थियो ।

यसै गरी विभिन्न अनाथ आश्रम र वृद्ध आश्रममा सहयोग गर्दै आएको छ रोबिन हुड आर्मी रुपन्देहीले र कोरोनाको समयमा संक्रमितलाई प्लाज्मा , आइसियु बेड र भेन्टिलेटरको सक्दो व्यवस्था गरेर यसबाट धेरैलाई सहयोग भएको रोबिन हुड आर्मी रुपन्देहीका सक्रिय सदस्य आकाश भण्डारीले नागरिक अनलाइनलाइ जानकारी दिए ।

यसमा सहयोग गर्न चाहने वेक्तीले रोबिन हूड आर्मी रुपन्देहीका स्वयंसेवकलाई सम्पर्क गर्न र फेसबुक ग्रुपमा जोडिन समेत सकिने भण्डारीले बताए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)