बुटवल,साउन २५ ।

नेपाली कांग्रेसका वरिष्ठ नेता रामचन्द्र पौडेलले पार्टीको महाधिवेशन पटक-पटक सारिएकामा तीव्र असन्तुष्टि प्रकट गरेका छन्। 

त्यस क्रममा नेता पौडेलले प्रधानमन्त्रीसमेत रहेका पार्टीका सभापति शेरबहादुर देउवालाई असफल व्यक्ति भन्दै आक्रोश पोखेका छन्। कांग्रेसको विधानबमोजिम ४ वर्षभित्र महाधिवेशन गर्नुपर्नेमा असाधारण परिस्थिति भनेर एक वर्ष थपियो। त्यसपछि पनि संविधानको आडमा अरू ६ महिना बढाइयो।

यसभित्र पनि महाधिवेशन नगरेर अहिले निर्वाचन आयोगसँग हारगुहार गर्नुपर्ने निरीह स्थितिमा पार्टीलाई पुर्याएको उल्लेख गर्दै यो भन्दा नेतृत्वको चरम असफलता के हुन्छ भनेर वरिष्ठ नेता पौडेलले देउवाको नाम नलिईकन उनको आलोचना गरेका हुन्। ‘नेपाली कांग्रेसलाई निर्वाचन आयोगसँग भिख माग्ने निरीह अवस्थामा पुर्याइएको छ,’ नेता पौडेलले सोमबार बिहान सामाजिक सञ्जालमार्फत भनेका छन्, ‘यहाँभन्दा वर्तमान नेतृत्वको चरम असफलता र लापरबाही अरू के हुन्छ ?’

उनले देउवाप्रति संकेत गर्दै अगाडि भनेका छन्, ‘यो देशकै विडम्बना हो। सर्वत्र असफल व्यक्तिहरू बारम्बार सत्ता सम्हाल्न पुग्छन्।’

नागरिक अनलाइन

लेखकबाट थप

• सोमवार, श्रावण २५ २०७८०९:३८:२३

• Tags:

  # रामचन्द्र पौडेल # नेपाली कांग्रेस # १४ औं महाधिवेशन # शेरबहादुुर देउवा

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन