बुटवल, साउन २० ।

नेकपा एमाले रुपन्देही (माधव नेपाल पक्ष)ले ओली पक्षले एकपक्षीय रुपले पार्टी सदस्यता नविकरण गरेकोमा आपत्ती जनाएको छ । एकपक्षीय ढंगबाट भएका गतिविधि प्रति ध्यानाकर्षण भएको माधव पक्षले जनाएको हाे  । एमाले माधव पक्षका रुपन्देही जिल्ला अध्यक्ष राजु गुरुङले एक विज्ञप्ति जारी गर्दै ओली पक्षको गतिविधि अदालतको फैसला समेत अवज्ञा हुनेगरि तथा जनभावना बिपरित भएको ठहर गरेको हाे ।

गुरुङ्गले अन्तरविरोध समाधानतर्फ उन्मुख भएको समयमा पार्टी एकताका लागि एकता कार्यदलले प्रस्ताव गरेको र ओली पक्षिय एमाले केन्द्रिय कमिटी स्वयमले पारित गरेको दशबुदे विपरीत ओली समूह गएको आरोप लगाउँदै समझदारीको मर्म र भावना विपरित एकतर्फी रुपमा पार्टी सदस्यको नविकरण गर्ने कुरा मान्य नहुने जनाएका छन् ।

विज्ञप्तिमा भनिएको छ -‘हामीहरु नेकपा एमालेको बृहतर पार्टी एकता गर्दै आगामी महाधिवेशनमा नयां नेतृत्व स्थापित गर्ने कुरामा सहमत छौ । २०७५ जेठ २ मा पार्टीका पूर्ववत कमिटीहरु सञ्चालन गर्नुपर्ने सर्वोच्च अदालतको फैसला समेत अवज्ञा हुनेगरी ०७५ जेठ २ अघिका कुनै पनि कमिटीले नचिन्ने र नजान्ने कमिटीको बैठक राखि पार्टीको विधि विधान विपरित गरिएका बैठकका निर्णय स्वयमा अवैधानिक रहेको छ ।’

हेराैँ बिज्ञप्ति :-

नागरिक अनलाइन

लेखकबाट थप

• बुधवार, श्रावण २० २०७८०८:५०:०८

• Tags:

  # राजु गुरूङ # नेकपा एमाले # एमाले रुपन्देही माधव समुह

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...