बुधवार, आषाढ २३ २०७८

ताराखोलामा बाढी एक युवा बेपत्ता,१५ घरपरिवारलाई सुरक्षित स्थानमा सारियाे

नागरिक अनलाइन

1.8K

ताराखोलामा बाढी एक युवा बेपत्ता,१५ घरपरिवारलाई सुरक्षित स्थानमा सारियाे

कौरव खत्री/असार २३,बागलुङ-

बागलुङको ताराखोलामा अविरल वर्षाका कारण बाढी पहिरोमा परी एक युवा बेपत्ता भएका छन् ।

मंगलबार राति अविरल वर्षासँगै आएकाको बाढी पहिरोले ताराखोला गाउँपालिका वडा नम्वर ३ हिल घुस्मेलीका १८ वर्षीय राजेन्द्र कार्की पहिरोमा परि बेपत्ता भएको इलाका प्रहरी कार्यालय ताराखोलाका प्रहरी प्रमुख लक्ष्मण न्यौपानेले जानकारी दिनुभयो । बाढी पहिरोले स्थानीय चन्द्र बहादुर कार्कीको ४० वटा बाख्रा पहिरोले पुरेको छ ।

अहिलेसम्म ११ वटा जिवित र १९ वटा मृत बाख्रा निकालिएको प्रहरी प्रमुख न्यौपानेले जानकारी दिनुभयो । अहिले पहिरोमा परि बेपत्ता हुनुभएका राजेन्द्र कार्कीको खोजी कार्य भैरहेको प्रहरी प्रमुख न्यौपानेले जानकारी दिनुभयो । अविरल वर्षाको कारण खेमखर्क टोलबाट खसेको पहिरो र बाढीले स्थानीय ध्रुव खत्रीको एक रेष्टुरेण्ट समेत पहिरो बगाएको प्रहरी प्रमुख न्यौपानेले जानकारी दिनुभयो ।

बाढी आएसँगै खोलामा पानीको बहाव बढेपछि घुस्मेली बजार क्षेत्रमा पस्न थालेपछि बजार क्षेत्रका करिव १५ घरपरिवारलाई राती नै सुरक्षित स्थानमा सारिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)