बुटवल,असार १३-

भारतमा अलपत्र रुपन्देही देवदहका एक किशाेरको उद्धार गरिएको छ । भारतस्थित प्रवासी नेपाली मित्र मञ्चको सहयोगमा मानव कल्याण मित्र मञ्च नेपालले भारतको बनारसबाट चरङेका अविनास सुनारलाई उद्धार गरेको हो । भारतको बनरसमा बालकल्याण समितिले सञ्चालन गरेको बालगृहबाट १६ बर्षिय किशाेरको उद्धार गरी आइतबार घरपरिवारलाई बुझाएको छ ।

एक वर्षदेखि भारतमा अलपत्र परेका सुनार बालगृहमा रहेको थाहा पाएपछि नेपाली राजदुतावासको समन्वयमा उद्धार गरी मानव कल्याण मित्र मञ्च नेपाललाई बालकको जिम्मा लगाइएको प्रवासी नेपाली मित्र मञ्चका अध्यक्ष विष्णुप्रसाद खनालले बताए ।

प्रवासी नेपाली मित्र मञ्चका अध्यक्ष खनाल र मञ्चका संरक्षक शेयरसिंह जिम्मालले उद्धार गरिएका ती किशाेरलाई नेपाल ल्याएका हुन् । अविनासलाई आइतबार देवदह नगरपालिका वडा नम्बर १० का जनप्रतिनिधि,  स्थानीय र सञ्चारकर्मीको रोहवरमा बालकका बुवा अमर सुनारलाई  बुझाईएको हो ।

घरमा आमा र बुवाको सम्बन्ध विच्छेद भएपछि अभिभावकको मायां नएपछि सानीमालाई खोज्दै भारत गएको अवस्थामा आफु अलपत्र परेर नेपाल फर्कन नसकेको अविनास सुनारले बताए ।

नेपालमा आफ्नो थर सुनार भएपनि भारतको वालगृहमा अविनास थापा नाम लेखाएको उनको भनाइ छ  । भारतमा अलपत्र परेका र हराएका नेपालीको उद्धार गरी नेपाल ल्याएर सम्बन्धित व्यक्तिको घरपरिवारलाई बुझाउने गरिएको मानव कल्याण मित्र मञ्च नेपालका अध्यक्ष दुर्गाप्रसाद अर्यालले बताए ।

अहिलेसम्म १ हजार २ सय भन्दा बढी जनाको उद्धार गरिएको उनले नागरिक अनलाइनलाई जानकारी दिए। साे  मञ्चले विशेष गरेर महिला  र बालवालिकाको क्षेत्रमा काम गर्दै आएको छ ।

नागरिक अनलाइन

लेखकबाट थप

• आइतवार, आषाढ १३ २०७८०४:४०:५१

• Tags:

  # उद्धार # अलपत्रकाे उद्धार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा