बुटवल,असार १२-

नेपाली कांग्रेसका वरिष्ठ नेता रामचन्द्र पौडेलले भावि सभापतिका लागि आफूलाई सहयोग गर्न आग्रह गरेका छन् । उनले शुक्रबार आफूनिकट केन्द्रीय सदस्यहरुको बैठकमा एकपटकका लागि सभापतिमा सहयोग गर्न आग्रह गरेका हुन् ।

‘एकपटकका लागि कांग्रेसको नेतृत्व गर्ने इच्छा छ, त्यसका लागि तपाईहरुले मलाई सहयोग गर्नुपर्‍यो,’ पौडेलले बैठकमा भने,‘मलाई शेरबहादुरजीसँग दाँजेर हेर्नु भएन । मैले न पार्टीको नेतृत्व गर्न पाएको छु, न सरकारको ।’

कांग्रेसभित्र सभापति देउवा र वरिष्ठ नेता पौडेलले नेतृत्वबाट अवकास लिनुपर्ने कतिपय नेताहरुले धारणा राख्दै आएका छन् ।

पौडेलले आफूलाई देउवासँग नदाज्न आग्रह गर्दै आफू नेतृत्वका लागि टेष्ट नभइसकेका जीकिर गरे । ‘देउवाजीसँग मलाई दाजेर एउटै बास्केटमा नराख्नूस्,’ उनले भने ।

१४ औं महाधिवेशन नजिकिएसँग नेतृत्वका दौडधुप सुरु भएको हो । कांग्रेस सभापति देउवा र उपसभापति विमलेन्द्र निधिले तयारी तीव्र पारेपछि बरिष्ठ नेता पौडेलले भने सक्रियता बढाएका हुन् ।

उनले आफूनिकट केन्द्रीय सदस्यहरुसँग सभापतिमा सहयोग गर्न आग्रह गरेका हुन् । तर संस्थापनइतर समूहबाट आधा दर्जन बढिले नेतृत्वका लागि दावी गरे ।

कांग्रेसमा अहिलेसम्म सभापति शेरबहादुर देउवा,महामन्त्री डा. शशांक कोइराला, पूर्वमहामन्त्री प्रकाशमान सिंह, केन्द्रीय सदस्य डा.शेखर कोइराला, सुजाता कोइराला,अर्जुननर सिंह केसी,डा रामशरण महत र कल्याण गुरुङले भावि सभापतिमा दाबी गरिसकेका छन्  ।

नागरिक अनलाइन

लेखकबाट थप

• शनिवार, आषाढ १२ २०७८०७:११:३७

• Tags:

  # नेपाली कांग्रेस # १४ औं महाधिवेशन

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन