बुटवल,जेठ २५-

लुम्बिनी प्रदेश सरकारले आज प्रदेश आगामी आर्थिक बर्ष २०७८-०७९ को नीति तथा कार्यक्रम सार्वजनिक गरिरहेको छ । 

विपक्षी चार दलका गठबन्धनका सांसदको विरोधका बीच  प्रदेश प्रमुख धर्मनाथ यादवले नीति तथा कार्यक्रम बाचन गरिरहेका छन् ।प्रमुख सचेतक बाहेक  गठबन्धनमा अरू प्रदेशसभा सदस्यहरुले बैठक बहिस्कार गरेका हुन् ।

साे कार्यक्रमको विपक्षी गठबन्धनका सांसदहरुले विरोध गरेका छन् ।दिउँसो साढे ४ बजे सुरु भएको बैठकमा विपक्षी दलका प्रमुख सचेतक मात्र उपस्थिति भएका छन् ।

गठबन्धन दलहरुको जेठ १९ गते प्रदेश प्रमुख यादवले एमालेको मतियार बनेर संविधान विपरित काम गरेकाले आज प्रदेश सभा बैठक वहिस्कार गर्नु परेको नेपाली काँग्रेस सचेतक निर्मला क्षेत्रीले बताइन् ।

‘हामीले प्रदेश प्रमुखको विरोध गरेका हौं, नीति तथा कार्यक्रम र बजेटबारे छुट्टै धारणा आउछ ।’यसअघि सोमबार बसेको मन्त्रिपरिषद्को बैठकले सरकारको नीति तथा कार्यक्रम स्वीकृत गर्दै प्रदेश प्रमुख धर्मनाथ यादवलाई प्रदेश सभामा प्रस्तुत गर्न आग्रह गर्ने निर्णय गरेको थियो ।

मुख्यमन्त्री शंकर पाेखरेलले विश्वासको मत नलिएको सरकारको वैधानिकतामा समेत प्रश्न रहेको गठबन्धनको भनाइ छ ।

लुम्बिनी प्रदेश :आर्थिक बर्ष २०७८-०७९ को नीति तथा कार्यक्रम (पूर्णपाठसहित)

नागरिक अनलाइन

लेखकबाट थप

• मंगलवार, जेठ २५ २०७८०५:५१:३६

• Tags:

  # प्रदेशसभा बैठक बहिस्कार # लुम्बिनी प्रदेश सरकार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा