बुटवल,बैसाख २९- 

नेपाली कांग्रेस रुपन्देहीको पार्टी कार्यालयलाई चिकित्सक तथा स्वास्थ्यकर्मीले प्रयोगमा ल्याएका छन् ।

कांग्रेस रुपन्देहीको भैरहवामा रहेको पार्टी कार्यालयमा २५ वेड तयार गरी बुधबारदेखि भीम अस्पताल भैरहवाका चिकित्सक तथा स्वास्थ्यकर्मीलाई  जिम्मा लगाएको  कांग्रेस रुपन्देहीका सभापति अब्दुल रज्जाकले नागरिक अनलाइनलाई जानकारी दिए ।

कोभिड-१९ महामारी बढी रहेका अस्पतालमा विरामीका लागि वेड अभाव भइरहेको अवस्थामा यसअघि नै कांग्रेस रुपन्देहीले दुई तले आफ्नो पार्टी कार्यालय कोभिड-१९  संक्रमितका लागि आइसोलेसन वा अस्थायी कोभिड अस्पतालको रुपमा प्रयोग गर्न दिने निर्णय गरेको थियो ।

 अक्सिजन आपूर्तिको सहज व्यवस्थापन गर्न काँग्रेस रुपन्देहीको माग :

यस्तै काँग्रेस रुपन्देहीले  तत्काल अक्सिजनको सहज आपूर्तिको व्यवस्थापन गर्न सरकारसंग माग गरेको छ । अक्सिजन  अभावमा अस्पताल पुगेका कोभिड १९ का बिरामीले मृत्युवरण गर्नु परीरहेको भन्दै काँग्रेस रुपन्देहीले तत्काल अक्सिजनको भरपर्दो व्यवस्थापन गर्न सरकारसंग माग गरेको हो ।

नेपाली काँग्रस रुपन्देहीका सभापती अब्दुल रज्जाकले आज बुधबार एक विज्ञप्ती जारी गर्दै  अक्सिजनको अभावमा कोरोना संक्रमितले उपचार नपाएर ज्यान गुमाइरहेको र अस्पतालहरुले भर्ना भएका बिरामीलाइ डिस्चार्ज दिइरहेकाले तत्काल प्रभावकारी कदम चाल्न आग्रह गरे ।

भैरहवाका भिम अस्पताल, बुटवलको कोभिड अस्पताल सहित अन्य निजी अस्पतालहरुमा समेत अक्सिजन सकिएर बिरामीको मृत्यु भएको, भैरहवा मेडिकल कलेजले अक्सिजनकै अभावमा बिरामी भर्ना लिनै छोडेको र भर्ना भएका बिरामीलाइ समेत डिस्चार्ज गरिदिँदा स्थिती अझ भयावह तर्फ गइरहेको भन्दै राज्यका सबै शक्ति र श्रोत अक्सिजन व्यवस्थापनमा तथा कोडिभ १९ का बिरामीको उपचारमा लगााउन काँग्रेस रुपन्देहीले माग गरेको हो ।  अक्सिजन सकिएर आजै बुटवलको कोभिड अस्पतालमा ५ जना संक्रमितको मृत्यु भएको छ ।

भैरहवा मेडिकल कलेजले अक्सिजन नपाएपछि अस्पतालमा भर्ना भएका बिरामीहरुलाइ आजै दिउसो देखि डिस्र्चाज दिने निर्णय नै गरेपछि बिरामी र तीनका आफन्तको अवस्था बेहाल छ । अन्य सरकारी र निजी अस्पतालहरुले पनि बिरामीका आफन्तलाइ आफै अक्सिजनको व्यवस्थापन गर्न भनिरहेका छन् ।

सभापती अब्दुल रज्जाकले अक्सिजन नै नपाएर यसरी दिनहुँ सर्बसाधारणले ज्यान गुमाइ रहँदा समेत तीन तहका सरकार अक्सिजन व्यववस्थापनमा प्रभावकारी ढंगले नलागेको भन्दै गम्भिर बन्न आग्रह गरेका हुन् ।

याे पनि :-

भैरहवास्थित पार्टी कार्यालय आइसोलेशन निर्माणको लागि दिने कांग्रेस रुपन्देहीको निर्णय

नागरिक अनलाइन

लेखकबाट थप

• बुधवार, बैशाख २९ २०७८०५:४८:२५

• Tags:

  # कोरोना भाइरस # नेपाली कांग्रेस # कांग्रेस रुपन्देही

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन