बुटवल, चैत १८-  

लुम्बिनी प्रदेशको हिउँदे अधिवेशन आजबाट सुरु हुँदै छ । प्रदेशसभाका सचिब दुर्लभ कुमार पुनले आज दिउँसो १ बजे संसद बैठक बोलाईएको जानकारी दिए । गत शुक्रबार बसेको मन्त्रिपरिषद बैठकले चैत्र १८ गते हिउँदे अधिवेशन बोलाउन प्रदेश प्रमुखलाई सिफारिस गरेको थियो ।

सरकारको सिफारिसमा प्रदेश प्रमुख धर्मनाथ शाहले संसद बैठक आह्वान गरेका हुन् ।लुम्बिनी प्रदेशसभाको वर्षे अधिवेशन सकिएको यही चैत्र १९ गते ६ महिला पुग्दैछ ।

यसअघि असोज २० मा प्रदेशको नाम लुम्बिनी र राजधानी दाङको राप्ती उपत्यका देउखुरी तोकिएपछि वर्षे अधिवेशन अन्त्य भएको थियो । सर्वोच्च अदालतको गत फागुन २३ गतेको फैसलाले सत्तारुढ नेकपालाई एकिकरण अघिको अवस्थामा पुर्याइदिएको थियो ।

एमाले र माओवादी केन्द्र ब्युँतिएपछि अब मुख्यमन्त्री शंकर पोखरेल नेतृत्वको सरकार गठबन्धन सरकारको रुपमा रहेको छ । पुन विभाजित भएपछि अब दुइ दलको लागि छुट्टा छुट्टै लहरमा बस्ने व्यवस्था मिलाइने छ ।

कुन दल कसरी बस्ने भन्ने टुंगो कार्य व्यवस्था परामर्शको बैठकले निर्णय गर्ने प्रदेश सभा सचिव पुनले जानकारी दिए । अर्को दलले समर्थन फिर्ता नलिइएको अवस्थामा गठबन्धन सरकार कायम रहने र मन्त्रीहरुको बसाई सरकारकै लहरमा हुने उनले बताए । 

नागरिक अनलाइन

लेखकबाट थप

• बुधवार, चैत्र १८ २०७७०९:१८:२९

• Tags:

  # लुम्बिनी प्रदेश सरकार # लुम्बिनी प्रदेश # हिउँदे अधिवेशन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा