दाङ,चैत ६ । 

नेपाली कांग्रेसका वरिष्ठ नेता रामचन्द्र पौडेलले प्रतिनिधिसभालाई फेरि पनि मार्ने षडयन्त्र भइरहेको बताउनु भएको छ । 

बिहीबार दाङको तुलसीपुरमा प्रजातन्त्रका सेनानी पूर्व राष्ट्रिय पञ्चायतका सदस्य लोकमणि गिरीको १३ औं दिनमा आयोजित श्रद्धाञ्जली सभालाई सम्बोधन गर्दै वरिष्ठ नेता पौडेलले दुई दिन अगाडि मात्रै शितल निवासमा प्रधानमन्त्रीले राष्ट्रपति भवनमा ठाडै संसद चलेन भनेको कुरालाई राष्ट्रपतिले सपोर्ट गर्नुलाई षडयन्त्रको संज्ञा दिनु भएको हो ।

प्रतिनिधि सभालाई फेरि पनि मार्ने षडयन्त्र भइरहेको भन्दै उहाँले विघटनबाट सदन बचे पनि अब विकृतिबाट सदन जोगाउन जरूरी रहेको बताउनु भयो । 
सत्ताभन्दा व्यवस्था ठूलो भएको भन्दै उहाँले अहिले व्यवस्था बचाउनु ठूलो सवाल भएको बताउनु भयो । 

उहाँले पार्टीकै साथीहरूले किन विवाद गर्ने, किन बाहिर बोल्ने भन्ने ढंगले कुरा गर्नु उचित नभएको धारणा राख्नु भयो । आँखा चिम्लेर व्यक्ति पूजा नगर्न पनि उहाँले आग्रह गर्नु भयो । 

कम्युनिष्टहरूले आत्मालोचना गर्दै गल्ती दोर्होयाउने गरेको र कांग्रेसले गल्ती गरेपछि ढाकछोप गर्दै फेरि गल्ती गर्ने गरेको हुँदा ढाकछोपबाट पार्टी बलियो नहुने स्पष्ट पार्नु भयो । 

नेपाली समाजलाई लोकतान्त्रीकरण गर्ने जिम्मेवारी नेपाली कांग्रेसको भएको भन्दै उहाँले त्यसका लागि सबभन्दा पहिले नेपाली कांग्रेस आफैंभित्र लोकतान्त्रीकरण हुन जरूरी रहेको बताउनु भयो । 

आज देशलाई लोकतान्त्रिक कांग्रेस चाहिएको भएपनि कांग्रेस अन्यौलमा रहेकोले नेपालको राजनीति पनि अन्यौलतिर गएको बरिष्ठ नेता पौडेलले बताउनु भयो । 

नागरिक अनलाइन

लेखकबाट थप

• शुक्रवार, चैत्र ६ २०७७०८:५२:१४

• Tags:

  # रामचन्द्र पौडेल # पुनर्स्थापित संसद # नेपाली कांग्रेस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा