बुटवल,फागुन २८ -

नेपाली कांग्रेसका प्रमुख सचेतक बालकृष्ण खाँणले अहिले संविधान च्यात्न खोज्ने शक्ति सकिने बताएका छन् ।केपी प्रधानमन्त्री भएदेखि नै अहिलेको संविधानमाथि यो वा त्यो बहानामा प्रहार गरिरहेको उनले बताए।

संविधान च्यात्न खोज्ने प्रधानमन्त्री केपी शर्मा ओली आफैँ सकिने पनि उनले चेतावनी दिए। शुक्रबार  बुटवलमा आयोजित राष्ट्रिय दलित पत्रकार संघ नेपालको प्रथम राष्ट्रिय महाधिवेशनमा बोल्दै उनले यस्तो बताएका हुन्।

 अहिले मुलुकमा दुईधारको आन्दोलन जारी रहेको छ। संविधान भङ्ग गर्ने र रक्षा गर्नेको आन्दोलन चलिरहेको उनले बताए।अहिलेको सरकारले भङ्ग गर्नको लागि र काङ्ग्रेससहितका अन्य दलले रक्षा गर्नुपर्ने आन्दोलनको नेतृत्व गरिरहेको नेता खाँणले बताए।

असली मयूर फाँटमा रहेको र नक्कली मयूर सिंहदरबारमा बसेर यसको नेतृत्व गरिरहेका छन्। उनले भने, कुनै हालतमा संविधान भंग हुने छैन। अझै परिष्कृत गरेर पछाडि परेका समुदाय र वर्गको हितमा बन्नेछ।

नेपालको राजनीतिमा लागेको बादल अबको केही दिनमा फाटेर जाने पनि उनले बताए। मडारिएको बादलभित्र पनि चाँदीको घेरा हुने र छिट्टै राजनीतिले सही बाटो लिने नेता खाँणले बताए।

देशको राजनीतिक धार संविधानको रक्षा गर्ने की हत्या गर्ने भन्ने तर्फ मोडिएको उनले बताउँदै संविधानको रक्षा गर्नको लागि नेपाली कांग्रेसले नै नेतृत्व गर्ने बताए ।

‘प्रचण्ड’को आशंका : देशमा अस्वाभाविक परिघटना बढे केही अनिष्ट हुँदैछ ! (लाइभ भिडियाे सहित)

नागरिक अनलाइन

लेखकबाट थप

• शुक्रवार, फाल्गुण २८ २०७७०२:१५:३५

• Tags:

  # बालकृष्ण खाँण # नेपाली कांग्रेस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा