बुटवल,फागुन १२-

 नेकपा दाहाल–नेपाल समुहले बुटवलमा विजयी उत्सव मनाएको छ । सर्वोच्च अदालतले प्रतिनिधि सभा पुनःस्थापनाको पक्षमा फैसला गरेपछि बुटवलमा स्वागत र्याली गरिएको हाे । 

बुटवलको राजमार्ग चौराहदेखि सुरु भएको स्वागत र्याली नगर परिक्रमा गर्दै ट्राफिकचोकमा पुगेर सभामा परिणत भएको थियो ।

र्यालीमा सहभागीहरुले यो जीत कसको जनताको, प्रतिगामी प्रधानमन्त्री राजीनामा दे, लोकतन्त्र जिन्दावाद जस्ता नारा लगाएका थिए । साे अबसरमा बाेल्दै नेकपाका केन्द्रिय सदस्य बामदेव क्षेत्रीले प्रधानमन्त्री केपी शर्मा ओलीले अझैपनि बिभिन्न जालझेल गरेर सत्तामै बसरहनसक्ने भन्दै अब सत्ताच्यूत गरेरै छाड्ने र प्रतिगमनलाइ परास्त पार्ने चेतावनी दिए  ।

त्यस्तै जिल्ला अध्यक्ष राजु गुरुङले ओली युगको समाप्न भएको दाबि गरे । उनले सिंहदरबार भित्रबाट हाेइन अब बालकाेटबाट पनिओलीलाइ  निकाल्न परे आफूहरु तयार रहेको बताए । 

प्रधानमन्त्री केपी शर्मा ओलीले गत पौष ५ गते प्रतिनिधिसभाको विघटन गरेपछि त्यस विरुद्ध सर्वोच्चमा १३ वटा रिट दायर गरिएको थियो । सर्वोच्चको संवैधानिक इजलासले सो निर्णयलाई बदर गर्दै मँगलर संसद पुनःस्थापनाको पक्षमा फैसला गरेको हो । संसद पुनःस्थापनासँगै १३ दिनभित्र संसद बैठक बोलाउन सर्वोच्चले आह्वान गरेको छ ।

नागरिक अनलाइन

लेखकबाट थप

• बुधवार, फाल्गुण १२ २०७७०८:३५:१९

• Tags:

  # नेकपा # प्रचण्ड-नेपाल # रुपन्देही # राजु गुरूङ

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन