बुटवल,असोज २६ ।

बुटवल उद्योग वाणिज्य संघ, रुपन्देहीको वरिष्ठ उपाध्यक्ष पदमा बिमलराज भट्टराईले जोडतोडले लागका छन् । उनी टंक प्रसाद गैरेको नेतृत्वको प्यानलमा घरदैलोमा मत माग्दै हिडिरहेका छन् ।

संघको नेतृत्वमा रहेर लामो समयदेखि काम गर्दै आएका भट्टराईले व्यावसायिक विकास, संस्थागत निरन्तरता र समृद्ध बुटवल निर्माणको नारासहित वरिष्ठ उपाध्यक्ष पदमा उम्मेदवारी प्रस्तुत गरेका हुन्।

‘व्यवसायको विकास, बुटवलको समृद्धि’ भन्ने मूल नारासहित चुनावी मैदानमा उत्रिएका भट्टराईले ‘एक व्यक्ति, एक पद, एक कार्यकाल’को अवधारणालाई समेत अघि सारेका छन्। उनले अनुभव, इमानदारिता र निरन्तरताका आधारमा संघलाई थप प्रभावकारी बनाउने प्रतिबद्धतासहित व्यवसायीहरूसँग मत मागेका छन्।

भट्टराई बुटवल उद्योग वाणिज्य संघसँग लामो समयदेखि आबद्ध रहँदै आएका अनुभवी व्यवसायी हुन्। उनी ५५ वर्षदेखिको सदस्यता निरन्तरताको पृष्ठभूमि प्रस्तुत गर्दै संघको संस्थागत विकास र व्यवसायीका हकहितका विषयमा आफ्नो अनुभवलाई उपयोग गर्ने योजनासहित वरिष्ठ उपाध्यक्षको प्रतिस्पर्धामा उत्रिएका छन्।

संघमा रहेर उनले विभिन्न जिम्मेवारी निर्वाह गरिसकेका छन्। भट्टराईले कार्यसमिति सदस्यमा दुई पटक, कोषाध्यक्षमा एक पटक, महासचिवमा एक पटक र वाणिज्य उपाध्यक्षमा एक पटक काम गरिसकेको आफ्नो उम्मेदवारी प्रचार सामग्रीमा उल्लेख गरेका छन्। विभिन्न पदमा रहेर काम गरेको अनुभवलाई अब वरिष्ठ उपाध्यक्षको भूमिकामा उपयोग गर्ने उनको लक्ष्य देखिन्छ।

अनुभव र निरन्तरतामा जोड

भट्टराईले आफ्नो उम्मेदवारीमार्फत व्यवसायीहरूको साझा हित, संघको संस्थागत सुदृढीकरण र बुटवलको आर्थिक समृद्धिलाई प्राथमिकतामा राखेका छन्। लामो समयदेखि संघमा आबद्ध रहेर विभिन्न जिम्मेवारी सम्हालेको अनुभवलाई व्यवसायीका समस्या समाधान र व्यावसायिक वातावरण सुधारमा लगाउने उनको चुनावी सन्देश छ।

बुटवल क्षेत्रको व्यापार, व्यवसाय र आर्थिक गतिविधिलाई थप व्यवस्थित तथा गतिशील बनाउन निजी क्षेत्रको भूमिका महत्त्वपूर्ण रहने भएकाले व्यवसायीका आवश्यकता र समस्यालाई प्राथमिकताका साथ सम्बोधन गर्नुपर्ने उनको उम्मेदवारीको मुख्य सन्देश रहेको छ।

‘समृद्ध बुटवलको आधार’ भन्ने नारासहित अघि बढेका भट्टराईले आफूलाई सबै व्यवसायीको साझा उम्मेदवारका रूपमा प्रस्तुत गरेका छन्।संघको नेतृत्वमा अनुभव, इमानदारिता र निरन्तरताको संयोजन आवश्यक रहेको सन्देश दिँदै उनले वरिष्ठ उपाध्यक्ष पदमा आफ्नो दाबेदारी प्रस्तुत गरेका हुन्।

बुटवल उद्योग वाणिज्य संघको नेतृत्व चयनका लागि हुने निर्वाचनमा वरिष्ठ उपाध्यक्ष पदको प्रतिस्पर्धाले व्यवसायीबीच चासो बढाएको छ। भट्टराईले संघमा विगतमा निर्वाह गरेका जिम्मेवारी र संस्थागत अनुभवलाई आफ्नो उम्मेदवारीको प्रमुख आधार बनाएका छन्।

नागरिक अनलाइन

लेखकबाट थप

• सोमवार, आश्विन २६ २०८३१२:३४:३०

• कांग्रेसको १५औँ महाधिवेशन : उपसभापतिमा चन्द्रकान्त , मधु , बिनोद र महामन्त्रीमा प्रदीप र उदयशमशेर विजयी

• बरिष्ठ उपाध्यक्षका उम्मेदवार बिमलराज भट्टराई भन्छन् -‘व्यवसायको विकास, बुटवलको समृद्धि’

• टंकप्रसाद गैरे : अनुभवी, निरन्तरता र इमानदार व्यवसायीको छवि

• घटस्थापनाको दिन पारेर सिद्धबाबा मिष्ठान्न भण्डारको चौथो शाखा उदघाटन

•  बुटवल उवासंघको अधिवेशन : उद्योगी–व्यवसायीमाझ परिचित छन् सुरज !