काठमाडौं,असोज २४ ।

नेपाली कांग्रेसको सभापतिमा गगनकुमार थापा विजयी भएका छन्। १५औँ महाधिवेशनअन्तर्गत भएको निर्वाचनमा थापा ६ हजार ५८४ मत प्राप्त गर्दै सभापतिमा विजयी भएका हुन्।

सभापति पदका अर्का उम्मेदवार श्यामकृष्ण खड्गीले ३७५ मत प्राप्त गरेका छन्। कुल ७ हजार १३ मत खसेको निर्वाचनमा ५४ मत बदर भएको छ।

कुल खसेको मतका आधारमा थापाले ९३.८८ प्रतिशत मत प्राप्त गरेका छन्। खड्गीले ५.३५ प्रतिशत मत पाउँदा ०.७७ प्रतिशत मत बदर भएको छ। थापाले खड्गीभन्दा ६ हजार २०९ मत बढी प्राप्त गरेका छन्।
यसअघि कांग्रेसको १४औँ महाधिवेशनबाट महामन्त्री निर्वाचित भएका थापा पार्टीभित्र नेतृत्व परिवर्तन र संगठनात्मक सुधारको अभियानमा सक्रिय थिए। तत्कालीन महामन्त्री थापासहितका नेताहरूको पहलमा भएको विशेष महाधिवेशनले उनलाई सभापतिमा चयन गरेको थियो।
विशेष महाधिवेशनबाट नेतृत्व परिवर्तन भएपछि कांग्रेसभित्र पार्टीको वैधानिकता, संगठनात्मक संरचना र नेतृत्वको विषयमा बहस भएको थियो। त्यसपछि भएको १५औँ महाधिवेशनबाट थापा सभापतिमा विजयी भएका हुन् ।

नागरिक अनलाइन

लेखकबाट थप

• शनिवार, आश्विन २४ २०८३०६:२६:२७

• Tags:

  # महाधिवेशन # गगन थापा # सभापति गगन थापा # नेपाली कांग्रेस

• कांग्रेसको १५औँ महाधिवेशन : उपसभापतिमा चन्द्रकान्त , मधु , बिनोद र महामन्त्रीमा प्रदीप र उदयशमशेर विजयी

• बरिष्ठ उपाध्यक्षका उम्मेदवार बिमलराज भट्टराई भन्छन् -‘व्यवसायको विकास, बुटवलको समृद्धि’

• टंकप्रसाद गैरे : अनुभवी, निरन्तरता र इमानदार व्यवसायीको छवि

• घटस्थापनाको दिन पारेर सिद्धबाबा मिष्ठान्न भण्डारको चौथो शाखा उदघाटन

•  बुटवल उवासंघको अधिवेशन : उद्योगी–व्यवसायीमाझ परिचित छन् सुरज !