बुटवल,फागुन ३ -

 नेपाली कांग्रेसका नेता बालकृष्ण खाँणले नेपालमा अब कम्युनिष्ट रहन नसक्ने बताएका छन् । जनताले दुइतिहाइ मत दिदा सरकार र संसद चलाउन नसक्ने कम्युनिष्ट अब बढारिने दाबि गरे  ।

उनले अब रुने दिन प्रधानमन्त्री केपी शर्मा ओलीको आएको दाबी गरे । नेपाली कांग्रेसले सोमबार भैरहवामा आयोजना गरेको विरोधसभामा बोल्दै उनले जनताको रुने दिन सकिएको टिप्पणी गरे । नेता खाँणले भने, ‘अब जनताको रुने दिन सिद्धियो, अब रुने दिन कम्युनिष्टको आयो, अब रुने दिन केपी ओलीको आएको छ ।’

प्रधानमन्त्री ओलीले गरेको संसद विघटन असंवैधानिक र सर्वसत्तावादको यात्रा भएको उनको भनाइ छ । यद्यपि सर्वोच्च अदालतले संविधानको रक्षाको पक्षमा फैसला गर्छ भन्नेमा आफू विश्वस्त रहेको खाँणले बताए ।

सरकारले संविधानले प्रत्याभूत गरेको विचार तथा अभिव्यक्ति स्वतन्त्रताको विरुद्धमा मिडिया विधेयक,सूचना प्रविधि विधेयक ल्याएर जनताको मुख थुन्ने काम गरेको उनले बताए ।

संविधानमाथि निरन्तर प्रहार गर्ने र जनताको जीवनप्रति असंवेदनशील ओलीलाई एक दिन पनि सरकारमा बस्ने अधिकार नभएको खाँणको भनाइ छ । उनले भने, ‘नेपाली जनताले दिन गन्ती सुरु गरे, प्रधानमन्त्री र मन्त्रीहरूले झिटीगुन्टाको व्यवस्थापन गर्नुस् ।’

नागरिक अनलाइन

लेखकबाट थप

• सोमवार, फाल्गुण ३ २०७७०५:५५:२८

• Tags:

  # नेपाली कांग्रेस # बालकृष्ण खाँण

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा