बुटवल ,साउन २३।

बुटवल लेडीज जेसीजले विभिन्न सप्ताहव्यापी कार्यक्रम आयोजना गरी जेसीज सप्ताह–२०२६ मनाउने भएको छ।

साउन २३ गतेदेखि ३० गतेसम्म विभिन्न रचनात्मक, सामाजिक तथा जनचेतनामूलक कार्यक्रम आयोजना गरी जेसीज सप्ताह मनाउन लागिएको हो।
 एक कार्यक्रमका बिच शनिबार जेसीज सप्ताहको उद्घाटन गर्दै नेपाल जेसीजका पूर्व राष्ट्रिय अध्यक्ष अनुपमान सैँजूले महिला नेतृत्व विकासका लागि जेसीजले महत्वपूर्ण भूमिका खेल्दै आएको बताउनुभयो।

जेसी रूपा श्रेष्ठ पाठकको अध्यक्षतामा भएको कार्यक्रममा बुटवल जेसीजका अध्यक्ष येदुमणि पोखरेल, पूर्व अध्यक्ष मोहन न्यौपाने, बुटवल महिला जेसीजका पूर्व अध्यक्ष ओमी पुनलगायतले जेसीज सप्ताहको सफलताको शुभकामना दिनुभएको थियो।

जेसीज सप्ताहअन्तर्गत साउन २३ गते जेसीज सप्ताह समुद्घाटन तथा नवआगन्तुक सदस्यहरूका लागि तालिम, साउन २४ गते फेलोसिप कार्यक्रम (श्रावण विशेष), साउन २५ गते ‘गेट बिगिन वन’ कार्यक्रम, साउन २६ गते वडा नं. ६ का महिलाहरूका लागि रजोनिवृत्ति सम्बन्धित अभिमुखीकरण, साउन २७ गते महिला डिजिटल अधिकारको संरक्षणः साइबर अपराध, साइबर कानुन र साइबर सुरक्षा सम्बन्धी कार्यक्रम, साउन २८ गते मन्दिर परिसर सरसफाइ कार्यक्रम तथा साउन २९ गते पुरस्कार वितरण तथा समापन कार्यक्रम आयोजना गरिने भएको मुल सम्योजक सुस्मा जिसीले जानकारी दिनुभयो । 
महासचिव जेसी बिनु देवी रिजालको संचालनमा भएको कार्यक्रममा आस्था आठ भगवता बेल्बासे र मिसन भिजन अन्जु पन्थीले गर्नु भएको थियो ।

नागरिक अनलाइन

लेखकबाट थप

• शनिवार, श्रावण २३ २०८३०३:४९:२६

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...