बुटवल, जेठ १० ।

वैदिक सनातन परम्परा, संस्कृत शिक्षा र अध्यात्म चेतनाका अग्रदूतका रूपमा परिचित महामनीषी स्वामी विवेकानन्द सरस्वती महाराजको निधन भएको छ ।

लामो समयदेखि अध्यात्म, धर्मप्रचार, गुरुकुल शिक्षा र वेदान्त प्रवचनमार्फत हजारौँ श्रद्धालु र विद्यार्थीलाई मार्गदर्शन गर्दै आउनुभएका उहाँको शनिबार साँझ बुटवल नयाँमिलस्थित आश्रममा निधन भएको हो । उहाँ अर्बुद रोगबाट पीडित हुनुहुन्थ्यो।

२०१२ भदौ १४ गते बाग्लुङको तोरीखोलामा जन्मिनुभएका उहाँको बाल्यकालीन नाम खेमराज गैरे थियो । सानैदेखि वैराग्य र साधनाप्रति झुकाव राख्ने उहाँले सांसारिक जीवनभन्दा अध्यात्मको मार्ग रोज्नुभयो। 

पारिवारिक जीवनमा बाँध्ने प्रयास भए पनि उहाँको मन साधुसन्तको सान्निध्य र तपस्यामै केन्द्रित रह्यो । पछि घर छाडेर साधनायात्रामा निस्कनुभएका उहाँले स्वर्गद्वारी परम्पराका झ्याम्पाली महाराज, योगसिद्ध छविलाल गुरु तथा स्वामी परमानन्द सरस्वतीजस्ता महापुरुषहरूको सान्निध्य प्राप्त गर्नुभयो।

स्वामी परमानन्द सरस्वतीबाट ब्रह्मचर्य दीक्षा लिएपछि उहाँ “खिमानन्द ब्रह्मचारी”का रूपमा परिचित हुनुभयो भने पछि स्वामी सत्यप्रकाशानन्द सरस्वतीबाट सन्न्यास दीक्षा ग्रहण गरी “स्वामी विवेकानन्द सरस्वती” नामले प्रसिद्ध हुनुभयो । 

वृन्दावन र हरिद्वारमा रहेर उहाँले वेदान्त, भागवत तथा संस्कृत शास्त्रको गहिरो अध्ययन गर्नुभएको थियो । वृन्दावनमा रहँदा उहाँले विश्वप्रसिद्ध वेदान्ताचार्य स्वामी अखण्डानन्द सरस्वतीको सान्निध्य प्राप्त गर्नुभएको थियो । उहाँले धर्मप्रचारसँगै शिक्षा क्षेत्रमा पनि उल्लेखनीय योगदान पुर्‍याउनुभएको छ । 

नागरिक अनलाइन

लेखकबाट थप

• आइतवार, जेठ १० २०८३०६:४४:०८

• Tags:

  # स्वामी विवेकानन्द सरस्वती # निधन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा