बुटवल, बैशाख ५।

बुटवलका अशोक राई सानैदेखि सामाजिक काममा रूची देखाउथे । उनले समाजसेवा कारण आफनो छुट्टै पहिचान समेत बनाएका छन । बुटवलमै हुर्केका, बुटवलमै कर्मथलो बनाएका राई युवाहरुमाझ परिचित नाम हो ।

नियमित रक्तदान गर्दै आएका राई खेलकुदमा पनि आवद्ध छन । युवा समुह, टोल विकास संस्थामा रहदा समाज बुझेका उनि प्रत्येक घरघरमा पुग्थे । टोलको विकासमा सबैलाई समेटेर योजना बनाउने उनको बानी नै सबैलाई प्यारो लाग्थ्यो । उनले क्याम्पसमा अध्ययन गर्दा समेत सहयोग अभियान चलाउदथे ।

स्थानिय तहको निर्वाचनमा बुटवल उपमहानगरपालिका वडा नं १ मा वडासदस्यमा निर्वाचित भएका अशोक राईलाई अझ आफनो काम गर्न सहज भएको बताउछन । ‘अहिले म अझ परिपक्क रुपमा समाजसेवामा अग्रसर भएको छु ।’– उनले नागरिक अनलाइनसंग भने । उनले बुटवलमा माबिमा अध्ययरत एक विद्यार्थीको सम्पूर्ण खर्च ब्यहोर्ने गरि अभिभावकत्व समेत लिएका छन ।

यसैबिच शुक्रबार उनले वडा भित्रका ज्येष्ठ नागरिक, गर्भवती महिला तथा शारीरिक रूपमा अशक्त बालबालिकालाई लक्षित गरि निःशुल्क एम्बुलेन्स सेवा शुरु गरेका छन । स्वास्थ्य जस्तो संवेदनशील क्षेत्रमा सहज पहुँच सुनिश्चित गर्ने उद्देश्यले उक्त सेवा संचालनमा ल्याएको उनी बताउछन ।

आपतकालिन अवस्थामा अस्पतालसम्म पुग्न समस्या भोग्दै आएका नागरिकहरूका लागि यो पहल प्रभावकारी बन्ने उनको दाबी छ । राईले वडाबाट प्राप्त हुने सेवा–सुविधालाई व्यक्तिगत रूपमा उपभोग नगरी बालबालिका तथा विद्यार्थीहरूको हितमा खर्च गर्दै आएका छन ।

नागरिक अनलाइन

लेखकबाट थप

• शनिवार, बैशाख ५ २०८३०६:४३:५५

• Tags:

  # अशोक राई # निःशुल्क एम्बुलेन्स सेवा

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग