बुटवल,वैशाख ५ ।

महिला पतञ्जली योग समिति रूपन्देहीको आयोजनामा बुटवलमा ७ दिने आवासीय योग प्रशिक्षण शिविर आजदेखि शुरू भएको छ ।

बुटवलको न्यु होराइजन माध्यमिक विद्यालय (देविनगर) को प्राङ्गणमा शिविर शुरू भएको हो ।लुम्बिनी प्रदेशका १२ वटै जिल्लाबाट ३५० जनाको सहभागीता रहेको छ । हरेक दिन बिहान ५ बजेदेखि ७ बजेसम्म योग प्रशिक्षण हुने महिला पतञ्जली योग समिति रूपन्देहीकी अध्यक्ष बिष्णुमाया गुरुङले बताउनुभयो ।

प्रमुख प्रशिक्षकको रूपमा पुज्य साध्वी देवा दिति (साध्वी देवादिति) रहनुभएको छ भने उद्घाटन सत्रमा प्रमुख अतिथिको रूपमा बुटवल उपमहानगरपालिकाकी उपप्रमुख सावित्रादेवी अर्याल रहनुभएको थियो । अर्यालले योगाभ्यासले मानिसको जीवन स्वस्थ र फुर्तिलो बनाउने बताउनुभयो ।

यो शिविरले महिलाहरूलाई योग, प्राणायाम र स्वस्थ जीवनशैलीप्रति जागरण गराउने तथा योग शिक्षक तयार पार्ने उद्देश्य राखेको आयोजक समितिले जनाएको छ ।

अतिथिहरूमा वडा न ४ का वडाध्यक्ष नरिश्वर शर्मा पौडेल,न्यु होराइजन माध्यमिक विद्यालयका प्राचार्य लोकनाथ उपाध्याय लगायत रहनुभएको पतञ्जली योग समिति रूपन्देहीका अध्यक्ष रामप्रसाद शर्मा सापकोटाले बताउनुभयो ।

सहयोग शिक्षक तालिमका लागि सहभागीहरूबाट रु. २ हजार शुल्क लिइएको छ भने अन्य सामान्य सहभागीहरूका लागि शिविर निःशुल्क रहेको छ ।

नागरिक अनलाइन

लेखकबाट थप

• शनिवार, बैशाख ५ २०८३०७:०३:४०

• Tags:

  # पतञ्जली योग समिति रुपन्देही # योग

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन