काठमाडौँ,चैत २५ ।
नेपाली कांग्रेसका पूर्वसभापति एवम् पूर्वप्रधानमन्त्री शेरबहादुर देउवा र उनकी पत्नी आरजु राणाविरुद्ध रेड नोटिस जारी गर्ने प्रक्रिया अगाडि बढेको छ। 

सम्पत्ति शुद्धीकरणको मुद्दामा अनुसन्धान गर्न जिल्ला अदालत काठमाडौँबाट मंगलबार पक्राउ पुर्जी जारी भएसँगै प्रहरीले त्यसको तयारी गरेको हो। सम्पत्ति शुद्धीकरण विभागको मागअनुसार देउवा दम्पतीविरुद्ध न्यायाधीश महेन्द्रबहादुर कार्कीको इजलासले पक्राउ अनुमति दिएको हो। देउवा दम्पती हाल हङकङमा छन्। 

उपचारका लागि सुरुमा सिंगापुर गएका देउवा र सुरुमा दिल्ली पुगेकी आरजु त्यसपछि हङकङ गएका थिए। भदौ २४ गते जेनजी आन्दोलनको बेला उनीहरुको घरमा नगद जलेको थियो। ठूलो मात्रामा गरगहना पनि फेला परेको थियो। यी विषयमा जेनजी आन्दोलनलगत्तै विभागले अनुसन्धान अगाडि बढाएको थियो।

अब विभागको पत्रका आधारमा प्रहरी प्रधान कार्यालयस्थित इन्टरपोल शाखाले नोटिस जारी गर्ने प्रक्रिया अगाडि बढाउनेछ। रेडनोटिस जारी भए इन्टरपोलमा आबद्ध देशका प्रहरीले पक्राउ गर्न सहयोग गर्नेछन्।

सम्पत्ति शुद्धीकरणको कसुरमा पहिलेबाटै अनुसन्धान भइरहेको बताएका विभागका महानिर्देशक गजेन्द्रकुमार ठाकुरले रेड नोटिस लगायत अन्य अनुसन्धानका विषयमा भने बोल्न नमिल्ने बताए।

नागरिक अनलाइन

लेखकबाट थप

• बुधवार, चैत्र २५ २०८२०६:२१:५३

• Tags:

  # डा. आरजु राणा देउवा # शेरबहादुर देउवा # पक्राउ पुर्जी जारी # ‘रेड नोटिस’

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा