शनिवार, चैत्र १४ २०८२

ओली र लेखकलाई २४ दिनसम्म थुनामा राखेर अनुसन्धान गर्न मिल्ले कानुनी व्यवस्था

नागरिक अनलाइन

624

ओली र लेखकलाई २४ दिनसम्म थुनामा राखेर अनुसन्धान गर्न मिल्ले कानुनी व्यवस्था

काठमाडौं ,चैत १४ ।

पूर्वप्रधानमन्त्री तथा नेकपा एमालेका अध्यक्ष केपी शर्मा ओली र पूर्वगृहमन्त्री रमेश लेखक पक्राउ परेका छन् ।शनिबार सबेरै उनीहरुलाई काठमाडौं प्रहरीले पक्राउ गरेको हो । उनीहरु दुवै जनालाई जिल्ला प्रहरी परिसरभद्रकाली काठमाडौंमा राखिएको छ ।

दुवै जनालाई भक्तपुरबाट पक्राउ गरिएको हो । ओलीलाई गुन्डु र लेखकलाई कटुन्जेबाट पक्राउ गरिएको थियो ।यो सँगै उनीहरुमाथिको अनुसन्धान कसरी बढ्छ भन्ने चासो बढेको छ । प्रहरीले भने ओली र लेखककोअनुसन्धान प्रक्रिया अरु नागरिक पक्राउ पर्दा जसरी अघि बढाइन्छ सोही अनुसार जाने बताउँछन् ।आज शनिबारपक्राउ परेका कारण ओली र लेखक दुवै जनालाई परिसरकै हिरासतमा राखिने छ ।

आइतबार भने प्रहरीकोथुनामा राखेर अनुसन्धान गर्न जिल्ला सरकारी वकिलको कार्यालय काठमाडौं हुँदै जिल्ला अदालत काठमाडौं पेसगरिने छ ।

प्रहरीले ओली र लेखक दुवै जनालाई २४ दिनसम्म थुनामा राखेर अनुसन्धान गर्न मिल्ले कानुनी व्यवस्था छ । तर, त्यसका लागि आइतबार जिल्ला अदालतले अनुमति दिनुपर्ने हुन्छ । भदौ २३ र २४ को जेनजी प्रदर्शन हिंसात्मकहुँदा भएको घटनाबारे छानबिन गर्न बनेको जाँचबुझ आयोगको सिफारिसका आधारमा उनीहरु पक्राउ परेका हुन् ।

पूर्वन्यायाधीश गौरीबहादुर कार्की नेतृत्वको आयोगले फागुन २४ मा प्रतिवेदन तत्कालीन सुशीला कार्की नेतृत्वकोसरकारलाई बुझाएको थियो ।

तर, शुक्रबार बालेन शाहको नेतृत्वमा नयाँ सरकार बनेसँगै ओली र लेखक पक्राउ गरेर प्रतिवेदन कार्यान्वयनमागएको छ । ओली र लेखकबाहेकलाई पनि कारबाहीका लागि सिफारिस गरिएको छ ।

सुरक्षा अधिकारीमाथिको सिफारिस भने पुनः छानबिनपछि अघि बढ्ने सरकारले निर्णय गरेको छ । काठमाडौंकातत्कालीन प्रमुख जिल्ला अधिकारी छविलाल रिजाल र तत्कालिन गृहसचिव गोकर्णमणि दवाडीलाई समेत प्रहरीलेपक्राउको तयारी गरेको छ ।

आयोगले तत्कालीन प्रधानमन्त्री केपी शर्मा ओलीसँगै गृहमन्त्री लेखकलाई पनि मुलकी अपराध संहिता अनुरुपकारबाही गर्नुपर्ने देखिएको उल्लेख गरेको छ । भदौ २३ गते शान्तिपूर्ण प्रदर्शनमा निस्किएका जेनजी युवाहरूकोज्यान जिम्मेवार पदाधिकारीको लापरबाहीपूर्ण र हेलचेक्र्याइँले गएको भन्दै अपराध संहिता अनुरुप कारबाहीसिफारिस गरेको आयोगले भनेको छ ।

आयोगले उनीहरूलाई मुलुकी अपराध संहिताको दफा १८१ बमोजिम ‘लापरबाहीपूर्ण काम गरी ज्यान मार्न नहुने’ कसुरमा अनुसन्धान गरी सजाय गर्न सिफारिस गरेको हो । यो दफा अन्तर्गत अभियुक्तलाई तीनदेखि १० वर्षसम्मकैद सजाय र ३० हजार देखि एकलाखसम्म जरिबाना हुन सक्छ ।

आयोगको यस्तो सिफासिरमा पूर्वप्रहरी प्रमुख आईजीपी चन्द्रकुँवेर खापुङ पनि छन् । भदौ २३ र २४ गते जेनजीआन्दोलन ७६ जनाको मृत्यु भएको थियो ।

पक्राउ पर्दा के भने ओलीले ?

बालेन नेतृत्वको सरकार बनेसँगै पहिलो शुक्रबार बसेको पहिलो मन्त्रिपरिष्दको बैठकले आयोगको प्रतिवेदनकार्यान्वयन गर्ने निर्णय गरेको थियो । सोही निर्णय शनिबार नै कार्यान्वयनमा गएको हो । प्रहरीले ओली रलेखकलाई पक्राउ गर्न शुक्रबार रातभर अन्तरिक छलफल गरेको थियो ।

नवनियुक्त गृहमन्त्री सुधन गुरुङ, प्रहरी प्रमुख आईजीपी दानबहादुर कार्की र सशस्त्र प्रहरी बलका प्रमुख राजुअर्याल रातभर नै छलफलमा थिए । प्रहरी र सशस्त्र प्रहरी बलले ओली र लेखक पक्राउ पर्दा हुन सक्ने सम्भावितघटनालाई मध्यनजर गर्दै दुवै सुरक्षा फौजका टोलीले रातिबाट नै युनिफर्ममा रहन हाइ अलर्ट जारी गरेका थिए ।

राति नै ओली र लेखकको घरमा पुगेका प्रहरीको टोलीले लेखक र ओलीलाई एकसाथ पक्राउ गर्ने योजनाबनाएका थिए । लेखकलाई करिब ६ बजे पक्राउ गरेको प्रहरीले त्यसको केही बेरमा ओलीलाई पनि पक्राउ गरेकोथियो ।
ओलीलाई पक्राउ गर्न काठमाडौं अपराध अनुसन्धान कार्यालयको विशेष टोली ओली निवास छिरेको थियो ।

झडप हुनसक्नेभन्दै बाहिर ठूलो मात्रामा प्रहरीको टोली परिचालन गरिएको थियो । पक्राउ गर्न पुगेका एक प्रहरीअधिकारीले भने ओलीले सहज तरिकाले नै गिरफ्तारी दिएको बताए । ती प्रहरी अधिकारीसँग ओलीले भनेकाथिए,‘‘यतिधेरै प्रहरीको हुल बोकेर किन आउनु भएको ? म यत्तिकै पनि गइहाल्थे नि !”

प्रहरीले जारी गरेको जरुरी पक्राउ पुर्जी पनि ओलीले सहज नै स्वीकार गरे । प्रहरीको एउटा टोली राति २ बजे नैपुगेको थियो भने अर्को टोली ४ः३० बजेमात्रै पुगेको थियो ।“आफ्नो गिरफ्तारी प्रति सरकारमाथि कुनै आक्रोशपनि पोख्नु भएन,’’ प्रहरी स्रोतले भन्यो, “उहाँ सहजै तयार हुनुभयो । बाहिर निस्किने बेलामा राधिका शाक्यसँगअँगालो हालेर बिदा हुनुभयो ।”