मणिग्राम,फागुन २८ ।

रूपन्देहीको मणिग्रामस्थित राममणि बहुमुखी क्याम्पसको ३८ औं वार्षिकोत्सवको तयारी पूरा भएको छ ।

भोलि मनाइने क्याम्पसको वार्षिकोत्सव तथा अभिभावक दिवसको तयारी पूरा भएको क्याम्पसले जानकारी दिएको हो ।

यसअघि खेलउत्सव देखि वार्षिक मुखपत्र प्रकाशन सम्मका कार्यसम्पादन गरिसकेको क्याम्पसले वार्षिकोत्सवका  लागि विभिन्न १२ वटा उपसमिति बनाई आवश्यक गृहकार्य पूरा गरेको सहायक क्याम्पस प्रमुख खुमकान्त पाण्डेले जानकारी दिनुभयो ।

वार्षिकोत्सवका अवसरमा वर्षभरिका शैक्षिक तथा अतिरिक्त क्रियाकलापमा उत्कृष्ट विद्यार्थीलाई पुरस्कृत गरिने क्याम्पस प्रमुख तारा प्रसाद पराजुलीले जानकारी दिनुभयो ।

त्यसैगरी, सम्मान कार्यक्रम, मुखपत्र ‘दीपिका’को २१ औं अङ्क विमोचन, क्याम्पस प्रमुखको प्रतिवेदन प्रस्तुति, एवम् विद्यार्थीका प्रतिभा प्रस्फुटनका कार्यक्रम गरिने जानकारी दिँदै क्याम्पस सञ्चालक समितिका अध्यक्ष ध्रुवकुमार धितालले सबै सरोकारपक्षलाई सरिक भैदिनुहुन अनुरोध समेत गर्नुभएको छ ।

कार्यक्रम दिनको ११ बजेदेखि सञ्चालन हुने क्याम्पसले जानकारी दिएको छ ।

नागरिक अनलाइन

लेखकबाट थप

• बिहिवार, फाल्गुण २८ २०८२१०:२५:५८

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी