बुटवल,माघ २० ।

रुपन्देहीको मणिग्रामस्थित न्यू ईन्भारमेन्ट माध्यामिक विद्यालयले विविध कार्यक्रम गरी ३२ औं बार्षिकोत्सव मनाएको छ । एघार दिनसम्म विविध कार्यक्रम गरी विद्यालयले बार्षिकोत्सव मनाएको हो ।
गत माघ ९ गतेदेखि २० गतेसम्म विभिन्न सचेतनामूलक कार्यक्रम गरी उत्सव मनाइएको विद्यायलका प्रधानाध्यापक मधुप्रकाश ज्ञवालीले जानकारी दिनुभयो । यसअवधिमा खेलकुँद, खाना महोत्सव, रक्तदान, सिकाई मेला, साँस्कृतक कार्यक्रम, पुस्तक बिमोचन, कला प्रदर्शनी, कराँते प्रतियोगिता लगायतका कार्यक्रमहरु गरिएको ज्ञवालीले बताउनुभयो ।
मंगलबार आयोजना गरिएको मूल समारोहमा तिलोत्तमा नगरपालिकाका नगरप्रमुख रामकृष्ण खाँणले तिलोत्तमा नगरपालिका अब शैक्षिक हबका रुपमा विकसित भइरहेको उल्लेख गर्नुभयो । उहाँले सामुदायिक विद्यालय र संस्थागत विद्यालयको शिक्षा क्षेत्रको योगदान प्रशंसा गर्न लाएको भएको पनि उल्लेख गर्नुभयो । शिक्षाको गुणस्तर विकासको लागि राज्यले ध्यान दिनुपर्ने भन्दै बैज्ञानिक र ब्यवहारमा लागु हुने शिक्षा नीति अहिलेको आवश्यकता भएको उहाँले चर्चा गर्नुभयो ।

नगरभित्रका सबै सामुदायिक तथा संस्थागत विद्यालयको शैक्षिक उन्नतिका लागि सहकार्य गर्न नगरपालिका सधै तयार रहेको उहाँको भनाई छ ।
कार्यक्रममा विद्यालय ब्यवस्थापन समितिका अध्यक्ष नेत्रलाल बनले विद्यालयको शैक्षिक प्रगतिबारे चर्चा गर्नुभयो ।

कार्यक्रममा प्याब्सन केन्द्रीय सचिवालय सदस्य खेमेन्द्र राना, तिलोत्तमा नगरपालिका वडा नं. ५ का वडा अध्यक्ष रमेश डुम्रे लगायतले आ आफ्नो भनाई राख्नुभएको थियो । कार्यक्रममा शिक्षक तथा विद्यार्थीहरुलाई सम्मान तथा पुरस्कृत गरिएको थियो ।

नागरिक अनलाइन

लेखकबाट थप

• मंगलवार, माघ २० २०८२०७:०९:००

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी