बुटवल,पुस २८ ।

रुपन्देहीको बुटवलमा एघारौ जिल्लास्तरीय अन्तर मावि एभरेष्ट कप छात्रा भलिवल प्रतियोगिता सुरु भएको छ ।

एभरेष्ट इङलिस मावि बुटवलको आयोजनामा सुरु भएको एभरेष्ट कप छात्रा भलिवल प्रतियोगितामा जिल्लाभरीका डेढ दर्जन सामुदायिक र संस्थागत विद्यालयका टिमहरुको सहभागिता रहेको छ ।

सोमबारदेखि सुरु भएको प्रतियोगिताको उद्घाटन खेलमा न्यु होराईजन र आयोजक एभरेष्ट मावि विजयी भएका छन् ।

पहिलो उद्घाटन खेलमा देवदह इङलिस बोर्डिङ स्कुललाई सोझो सेटमा हराउँदै होराइजन मावि बुटवलले अघिल्लो चरणमा प्रवेश गरेको छ । यस्तै सोमबारनै भएको दोस्रो खेलमा अक्सफोड मावि बुटवललाई सोझै सेटमै पराजित  गर्दै आयोजक एभरेष्ट इङलिस माविले अघिल्लो चरणको यात्रालाई सुरक्षित गरेको खेल संयोजक अर्जुन घिमिरेले जानकारी दिनुभयो ।

यस्तै सोमबारनै भएको तेस्रो खेलमा ग्रीन प्लान्ट मावि देवदह, चौथो खेल र पाँचौ खेलमा देवदह बुद्ध पब्लिक विजयी भएका हुन् । प्रतियोगिताका अन्य खेलहरु मंगलबार र बुधबार हुने छन् भने बुधबार फाइनल खेल हुने उहाँले बताउनुभयो ।

प्रतियोगिताको उद्घाटन गर्दै जिल्ला शिक्षा समन्वय इकाइका प्रमुख विष्णुप्रसाद पन्थीले खेलकुदले विद्यार्थीको चौतर्फि विकास गर्ने उल्लेख गर्दै संस्थागत विद्यालयहरुले शैक्षिकसँगै खेलकुदको क्षेत्रमा ठुलो लगानी गरेको बताउनुभयो ।

विद्यालय ब्यवस्थापन समितिका अध्यक्ष गमप्रसाद रेश्मीको अध्यक्षतामा भएको कार्यक्रममा प्याब्सन नेपालका केन्द्रीय उपाध्यक्ष टिकाराम न्यौपाने, हिसानका केन्द्रीय सदस्य दिनेश भुसाल, अभिभावक संघका केन्द्रीय सदस्य लोकनाथ ज्ञवाली, प्याब्सनका रुपन्देही अध्यक्ष दीपक खनाल, नेपाल पत्रकार महासंघका अध्यक्ष दिनेश पाण्डे, विद्यालयका सहप्राचार्य भिमसेन गौतमलगायतले खेलकुदको विकासमा निजी विद्यालयहरुको भुमिका महत्वपुर्ण रहदै आएको उल्लेख गर्दै सहभागि टिमलाई विजयीको शुभकामना दिनुभयो ।

कार्यक्रममा विद्यालयका प्राचार्य कृष्ण न्यौपानले विद्यालयले शैक्षिकसँगै आन्तरिक, नगर र जिल्लास्तरीय विभिन्न कार्यक्रमहरु निरन्तर आयोजना हुँदै आएको बताउनुभयो । शिक्षक माधव पौडेलको संचालनमा भएको प्रतियोगिताको उद्घाटन कार्यक्रमको अवसर पारेर विद्यालयले खेलकुद सप्ताहको पनि शुभारम्भ गरेको छ ।

कक्षा एकदेखि मावितहका विद्यार्थीहरुले विभिन्न विधामा प्रतिस्पर्धा गर्ने सप्ताहमा भलिवल, स्कीपिङ रेश, टायर रेश, बुक रेश, हाइजम्प, लङजम्प, बलुन ब्लाष्ट, म्युजिकल चियरलगायतका प्रतिस्प्रर्धाहरु हुने छन् । 

नागरिक अनलाइन

लेखकबाट थप

• सोमवार, पौष २८ २०८२०६:३२:२३

• Tags:

  # एभरेष्ट कप छात्रा भलिवल

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल