बुटवल,पुस २३ ।

चैतन्य एकेडेमी नेपाल शाखा कार्यालय बुटवलको प्रथम स्थापना दिवसको अवसरमा विविध कार्यक्रम गरेको छ । बुधबार कार्यालय परिसर देविनगर बुटवलमा रक्तदान कार्यक्रम गरिएको हो ।लोक सेवा तयारीको कक्षा संचालन गर्दै आएको चैतन्यले सामाजिक उत्तरदायित्व अन्तर्गत मंगलबार स्थानिय संघसंस्थाहरुको सहकार्यमा वृहत सरसफाई समेत गरिएको चैतन्य एकेडेमी बुटवलका ब्यवस्थापक दीपक ढकालले नागरिक अनलाइनलाई बताए ।

कार्यक्रमको एक समारोका बिच राष्ट्रिय मानव अधिकार आयोग लुम्बिनी प्रदेश बुटवलका कार्यालय प्रमुख सन्तोष आचार्य, नेपाल रक्तदाता समाज रुपन्देहीका अध्यक्ष कृष्ण चौहान क्षेत्री, नेपाल ढकाल समाज प्रतिष्ठानका अध्यक्ष टिकाराम ढकालले रक्तदातालाई ब्लड ब्याग हस्तान्तरण गर्दै शुभारम्भ गरे । कार्यक्रममा राष्ट्रिय मानव अधिकार आयोग लुम्बिनी प्रदेश बुटवलका कार्यालय प्रमुख सन्तोष आचार्यले मानव अधिकार र रक्तदानको विषयमा चर्चा गरे ।यसैबिच स्थापना दिवसको अवसरमा बुटवलमा महिलाहरुबाट संचालित रेडियो मुक्तिलाई एक थान कम्प्युटर हस्तान्तरण गरिएको छ ।

राष्ट्रिय मानव अधिकार आयोग लुम्बिनी प्रदेश बुटवलका कार्यालय प्रमुख सन्तोष आचार्य, नेपाल रक्तदाता समाज रुपन्देहीका अध्यक्ष कृष्ण चौहान क्षेत्री, चैतन्य एकेडेमी बुटवलका ब्यवस्थापक दीपक ढकालले रेडियोकी स्टेशन म्यानेजर कल्पना तिवारीलाई सहयोग हस्तान्तर गरेका छन ।

एकेडेमीमा नासु, खरिदार, शाखा अधिकृत, बैकिङ, शिक्षक सेवा, असाई तयारी कक्षा र उपसचिवसम्म हप्ताको ३ दिन नमुना परिक्षा संचालन हुदै आएको छ । यसअघि काठमाडौं जानुपर्ने बाध्यता समेत हटेको चैतन्य एकेडेमी बुटवलका ब्यवस्थापक दीपक ढकालले बताए।

नेपाल रेडक्रस सोसाईटी, रक्तसंचार केन्द्र बुटवलको प्राविधिक सहयोगमा ३५ युनिट रगत सङ्कलन भएको ब्यवस्थापक ढकालले बताए । आजै बेलुका दिप प्रज्वलन समेत गरिएको छ ।

नागरिक अनलाइन

लेखकबाट थप

• बुधवार, पौष २३ २०८२०७:०६:३३

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल