बुटवल,पुस १८ ।

नेपाल ब्युटिसियन संघ जिल्ला समिति रुपन्देहीले रुपन्देहीको कञ्चन गाउपालिका–३, धौलागिरी चोक निवासी स्व इशान शर्मा पौडेलको मृत्यु प्रकरणबारे गम्भीर ध्यानाकर्षण गराउँदै निष्पक्ष र पारदर्शी छानबिनको माग गरेको छ ।

संघले जिल्ला प्रशासन कार्यालय रुपन्देहीमार्फत सम्बन्धित निकायलाई बुझाएको ध्यानाकर्षण पत्रमा घटनाले सम्पूर्ण समाजलाई स्तब्ध बनाएको उल्लेख गर्दै हालसम्म सत्यतथ्य बाहिर नआएकोप्रति चिन्ता व्यक्त गरेको छ ।

संघकी अध्यक्ष अनिता खत्रीका अनुसार घटनाको निष्पक्ष, वैज्ञानिक र विश्वसनीय अनुसन्धान नहुँदा पीडित परिवार थप पीडामा परेको छ ।
ध्यानाकर्षण पत्रमा इशान शर्मा पौडेलको मृत्युबारे कुनै दबाब वा प्रभावबिना छानबिन गरी दोषी पहिचान गर्नुपर्ने, दोषीमाथि कानुनअनुसार कडा कारबाही गर्नुपर्ने माग गरिएको छ । साथै पीडित परिवारलाई न्याय, सुरक्षा र विश्वास दिलाउन राज्यले प्रभावकारी भूमिका निर्वाह गर्नुपर्नेमा जोड दिइएको छ ।

संघले अनुसन्धानको प्रगति नियमित रूपमा सार्वजनिक गर्न पनि माग गरेको छ । “न्याय ढिलो हुनु भनेको न्याय नहुनु हो,” भन्दै संघले इशान शर्मालाई न्याय नपाएसम्म आफ्नो आवाज नरोकिने स्पष्ट पारेको छ ।

नेपाल ब्युटिसियन संघ रुपन्देहीका अध्यक्ष अनिता खत्री चुदाली र संघका पूर्व केन्द्रीय वरिष्ठ उपाध्यक्ष शान्ति शर्माले हस्ताक्षर गरेको ध्यानाकर्षण पत्रमा सम्बन्धित निकायलाई यथाशीघ्र निष्पक्ष अनुसन्धान गरी न्याय स्थापना गर्न आग्रह गरिएको छ ।

नागरिक अनलाइन

लेखकबाट थप

• शुक्रवार, पौष १८ २०८२१२:५६:१०

• Tags:

  # छानबिनको माग

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल