बुटवल,असोज २८ ।

रुपन्देहीमा देउसीभैलो राति ९ बजेसम्म मात्र खेल्न पाइने भएको छ । तिहार सुरु भएपछि खेलिने देउसी भैलो खेल्ने क्रममा मापसे गरेको पाइए कानून अनुसार कारवाही पनि हुने भएको छ ।
रुपन्देही जिल्ला सुरक्षा समितिको बैठकले देउसी भैलो राति ९ बजेसम्म मात्र खेल्न पाइने र देउसी भैलोमा सहभागीहरुले मादक पदार्थ सेवन गर्न नपाउने निर्णय गरेको हो ।

प्रमुख जिल्ला अधिकारी डा.टोकराज पाण्डेले तिहार लक्षित अपराध हुन र शान्ति सुरक्षा खलबलिन नदिन यस्तो गरेको बताए । जेन जी आन्दोलनपछि उत्पन्न परिस्थिति अनुसार समाजमा शान्ति सुरक्षाको प्रत्याभूति दिन रुपन्देही प्रशासनले चाडपर्व लक्षित सुरक्षा योजना बनाई जिल्लाका १६ वटै पालिकामा परिपत्र समेत गरिसकेको छ ।
सुरक्षा योजना आइतबारदेखि शुरु भई छठको अर्को दिनसम्म लागू हुने छ । सुरक्षा योजना अनुसार रुपन्देहीका १६ वटै पालिकामा सादा पोशाकमा पर्याप्त प्रहरी खटाउने, सुरक्षा निकायले गस्ती बढाउने छ ।

छठ घाटहरुको स्थान निर्धारण गरी तारबार र डोरी टांगेर दुर्घटनाबाट सुरक्षित बनाउने निर्णय प्रशासनले गरेको छ ।

नागरिक अनलाइन

लेखकबाट थप

• मंगलवार, आश्विन २८ २०८२०७:५९:०२

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल