सोमवार, माघ १९ २०७७

फेडोको आयाेजनामा तिलोत्तमामा १ हप्ते अचार बनाउने तालिम

नागरिक अनलाइन

4.8K

फेडोको आयाेजनामा तिलोत्तमामा १ हप्ते अचार बनाउने तालिम

बुटवल, माघ १९-

रुपन्देहीको तिलोत्तमामा १ हप्ते अचार बनाउने तालिम भएको छ ।

करुणा जर्मनीको सहयोगमा दलित महिला संघ फेडो रुपन्देही ग्रिन तारा नेपाल र रिड नेपाललको संयुक्त साझेदारीमा कर्मठ बालिका दलित तथा सिमान्तकृत समुदायका बालिकाहरुको शैक्षिक उपलब्धी प्रवर्धन परियोजना अन्तरगत फेडोको आयोजनामा १ हप्ते अचार बनाउने तालिम सम्पन्न भएको हो ।

तिलोत्तमा नगरपालिका ४ का २६ जना महिलाको सहभागितामा तालिम सञ्चालन गरिएको थियो । सोमबार एक कार्यक्रमको आयोजना गरि तालिमको समापन गरिएको हो ।

समापन कार्यक्रममा बोल्दै तिलोत्तमा ४ अध्यक्ष दिवाकर खनालले तालिमले आयमा बृद्धि गर्ने बताउँदै यस्ता किसिमका तालिमहरु नियमित हुँदै जाने बताए ।

उनले तालिम पश्चात उद्यमी बन्न चाहानेको लागि वडा कार्यालयले सहयोग गर्ने प्रतिबद्धता ब्यक्त गरे । कार्यक्रममा प्रशिक्षक पार्वती गिरी सिकेको सिपलाई व्यवहारमा उतार्न आग्रह गरीन् ।

समापन कार्यक्रममा बोल्दै फेडो रुपन्देही अध्यक्ष मनु खड्काले आफुहरुले जनचेतनामुलक कार्यक्रमहरु गर्दै जाने बताउँदै सिकेको सिपलाई व्यवहारमा उतार्न आग्रह गरीन् ।

प्रशिक्षार्थीहरु माया बिक, सरस्वती अर्यालले बोल्दै सिपलाई आफुले व्यवहारमा उतार्ने बताउँदै यस्ता किसिमका तालिमहरु लाभदायक हुने बताए ।

कार्यक्रममा अचार बनाउनको लागि आवश्यक पर्ने सामाग्रिहरु र बोतलहरु प्रशिक्षार्थिलाई हस्तान्तरण गरिएको थियो । कार्यक्रम संयोजक साबि बिकको सञ्चालनमा तथा महेन्द्र दर्नालको स्वागतमा कार्यक्रम सम्पन्न भएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)