बुटवल,असोज ५ ।

बुटवल- ११ मा रहेको जी ट्वाईन्टी फाईभ क्लवले वडा स्तरीय प्रथम जी–२५ सेभेन साईड भेट्रान्स कप फुटबल प्रतियोगिता गर्ने भएको छ । विजयादशमी तथा शुभ दिपावलीको पावन अवसरमा असोज ७ गते हुने भेट्रान्स फुटबलको सम्पूर्ण तयारी पुरा भएको क्लबका अध्यक्ष जगदीश न्यौपानेले बताए ।

‘स्वास्थ्यको लागी खेलकुद, राष्ट्रका लागि खेलकुद’ नारासहित देविनगरस्थित एन्फा खेलमैदानमा हुने प्रतियोगितामा १४ वटा वडा सहभागी हुने उनले बताए । नगरमा रहेका भेट्रान्स खेलाडीहरूलाई पुर्नताजगी गराउने गरि फुटबल प्रतियोगिता गर्न लागेको उनले बताए । उद्घाटन खेल वडा नं ८ र ११ का बिचमा हुने उनले बताए ।

पहिलो र दोस्रो दिन ७ र ८ गते ५ वटा खेल हुनेछ । प्रतियोगिताको विजेता टिमले नगद ५५,५५५ रुपैयाँ, कप, मेडल, प्रमाणपत्र, उपविजेता टिमले नगद २५,५५५ रुपैयाँ, कप, मेडल, प्रमाणपत्रबाट पुरस्कृत गरिने खेल संयोजक रमेश कुमार जोशीले बताए ।

यसै गरी हाइ स्कोरर, उत्कृष्ट खेलाडी र उत्कृष्ट किपरलाई नगद ५ हजार रुपैयाँ र कपबाट पुरस्कृत गरिने उनले बताए। कुल ८ लाख रुपैयाँ खर्च हुने अनुमान रहेको सचिव रेसम महराले बताए । क्लब सामाजिक कार्यमा अग्रसर रहेको निवर्तमानअध्यक्ष निर्मल नेपालले बताए ।

नागरिक अनलाइन

लेखकबाट थप

• आइतवार, आश्विन ५ २०८२०५:४०:१४

• Tags:

  # जी ट्वाईन्टी फाईभ क्लव

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल