बुटवल,असोज ५ ।

जेन्जी आन्दोलनका क्रममा भएको क्षति पुनः निर्माणका लागि रुपन्देहीको सामाजिक र खेलकुद क्षेत्रमा सक्रिय लखन ब्रदर्स यूथ क्लबले आर्थिक सहयोग गर्ने घोषणा गरेको छ ।

आइतबार क्लबको सचिवालयमा पत्रकार सम्मेलन गरी क्लबका अध्यक्ष सुदिप खत्रीले १ लाख ११ हजार १ सय ११ रुपैयाँ सहयोग गर्ने प्रतिबद्धता जनाएका हुन् । उनले “सामाजिक कार्यमा सहभागिता युवाहरूको प्रतिबद्धता” भन्ने नारासहित स्थापना भएको क्लब नगर सौन्दर्यीकरण, सरसफाइ, सचेतना र खेलकुद गतिविधिमा अग्रसर रहँदै आएको जानकारी दिए ।

साथै उनले देशको मुख्य गहनाका रूपमा रहेको सिंहदरबारको जीर्णोद्धारमा समेत थोरै भए पनि सहयोग स्वरूप घोषणा गरेको बताए । यस क्षेत्रमा रहेका सरकारी कार्यालयमा समेत आफूहरू स्वयंसेवी रूपमा श्रमदान गर्ने गरि समन्वय भइरहेको उनले बताए ।

क्लबको स्थापना दिवसमा स्वास्थ्य शिविर र रक्तदान कार्यक्रम समेत गर्दै आएको उनले बताए । रुपन्देही जिल्लाका सरकारी कार्यालयहरूमा श्रमदान गर्दै आएको क्लबले हालसम्म आफ्नै खर्चमा सडकमा छरिएका विद्युत्, टेलिफोनका तार क्लिपिङ गर्ने, वडासँग समन्वयमा बाटाका खाल्टाखुल्टी टाल्ने, वृक्षारोपण, डेंगुजन्य जनचेतना अभिवृद्धि गर्ने, पहिलो संस्करणको लखन कप फुटबल प्रतियोगिता आयोजना गरेको क्लबका सचिव निरञ्जन पन्तले बताए ।

विसं २०७९ सालमा दर्ता भएको यो क्लबमा हाल ८० जना सदस्य सक्रिय छन् ।

नागरिक अनलाइन

लेखकबाट थप

• आइतवार, आश्विन ५ २०८२०५:३१:१७

• Tags:

  # लखन ब्रदर्स यूथ क्लव

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल