सोमवार, भाद्र १६ २०८२

आन्दोलन शैली : रुपन्देहीका मुख्य सडकमा निजी स्कुलका सयौँ रित्ता बस !

नागरिक अनलाइन

1.3K

आन्दोलन शैली : रुपन्देहीका मुख्य सडकमा निजी स्कुलका सयौँ रित्ता बस !

बुटवल,भदौ १६ ।

रुपन्देही सहित देशैभरिका निजी विद्यालयका सञ्चालकहरूले सडकमा खाली बससहित विरोध प्रदर्शन गरेका छन ।

आन्दोलन अन्र्तगत बुटवल तथा तिलोत्तमाको मुख्य सडकमा पनि रुपन्देहीका निजि विद्यालयका सयौं बसहरु कालो झण्डासहित शिक्षा विधेयकको विरोधमा उत्रिएको देखिन्थ्यो ।

शिक्षा विधेयकको विरोध गरिरहेका निजी विद्यालयका सञ्चालकहरूले केन्द्रको निर्देशन अनुसार स्कुले बससहितको ¥याली निकालेको प्याब्सन रुपन्देहीका अध्यक्ष दीपक खनालले जानकारी दिए ।

प्याब्सन, एन याब्सन, हिसान, अपेन र एनएमएले संयुक्त रूपमा तिलोत्तमाको ६ लेनमा खाली बस ठड्याएर विरोध जनाएको खनालले बताए ।

सोमबार दिउँसो सिक्सलेन सडकखण्डको बुटवल, योगीकोटी, ड्राइभरटोल, नयाँमिल, मणिग्राम, कफीकम्पनी, मंगलापुर, भलवारी हुदै भैरहवासम्म नै सयौंको संख्यामा निजी विद्यालयका बसहरुलाई लामबद्ध रुपमा सडकछेउमा पार्किङ गरि राखिएको थियो ।

विद्यालय शिक्षा विधेयकबाट ‘पूर्ण छात्रवृत्ति’ र ‘क्रमशः गैरनाफामूलक बनाउने’ लगायतका शब्द हटाउन माग गर्दै रुपन्देही सहित देशैभरिका निजी विद्यालयका सन्चालकहरु अहिले आन्दोलनमा छन । शिक्षा समितिबाट पारित भएको विधेयक सच्याउन निजी विद्यालय सञ्चालकहरूले सरकारलाई दबाब दिइरहेका छन् । केही दिनअघि पनि प्याब्सन, नेशनल प्याब्सन, हिसान, अपेन र एनएमएले सडकमा निजि विद्यालयका स्कुले बस निकालेर विरोध जनाएका थिए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)