बुटवल,भदौ ३ ।

नेपाली कांग्रेस बुटवल उपमहानगरपालिका वडा न ४ वडासमितिको आयोजनामा तीजमिलन कार्यक्रम सम्पन्न भएको छ ।

वडासभापति अरूण कुमार श्रेष्ठको अध्यक्षतामा भएको कार्यक्रममा बोल्दै प्रमुख अतिथि लुम्बिनी प्रदेशसभा नेपाली कांग्रेस प्रमुख सचेतक एवं महासमिति सदस्य जमुना ढकालले तिज कार्यक्रम राखेरसबै चेलीलाइ माइतीको सम्झना गराउनुभएकोमा धन्यवाद दिनुभयो ।

उहाले आधुनिक बुटवलको बिकासमा स्वर्गिय सुर्यप्रसाद प्रधानको अतुलनीय भुमिका रहेको स्मरण गर्नुभयो । उहाले तिजलाइ सांस्कृतिक ढंगले नै मनाउनुपर्ने बताउनुभयो ।

क्षेत्रिय सभापति प्रजापाल गिरीले तीज महिलाहरूलाइ खुसी बनाउने पर्व भएको भन्दै सधै नारी शक्तिको सम्मान गर्नुपर्ने बताउनुभयो ।

सो अवसरमा नेपाली कांग्रेस नगर सभापति एवं बुटवल नगर प्रमुख खेलराज पाण्डेयले बुटवल वडा न ४ को बाढि पहिरो रोकथामा ६ करोड बजेट खर्च गरिसकेको र अझै सवा अरब रकम आवश्यक हुने बताउनुभयो। वडा ४ का सभापति अरूणकुमार श्रेष्ठले आफ्नो तेस्रो कार्यकालसम्म पनि हरेक पटक तीजमिलनलाइ निन्तरता दिएको बताउनुभयो ।

सो अवसरमा नेपाली कांग्रेस नगर सचिव गंगा पन्थी,क्षेत्रिय प्रतिनिधि अर्जुन रानाभाट ,रमा न्यौपाने महिला संघ वडा सभापति,कान्ति माबिका अध्यक्ष जीवनप्रसाद ओझा ,कांग्रेस वडा सहसचिव तथा कार्यक्रम संयोजक गोमा पोखरेल श्रेष्ठ लगायतले बोल्नुभएको थियो ।

कार्यक्रममा उपस्थिति दिदिबहिनी तथा अतिथिहरू दिनभर नाचगान गरेर रमाइलो गरेका थिए ।

नागरिक अनलाइन

लेखकबाट थप

• मंगलवार, भाद्र ३ २०८२०२:५७:३२

• बुटवल उद्योग वाणिज्य संघले ‘दीपावली सडक खाना महोत्सव’ गर्ने

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल