बुटवल,साउन १५  ।

रुपन्देहीको भैरहवास्थित मार्गदर्शन बहुउद्देश्यीय  सहकारी संस्था लिमिटेडका अध्यक्ष अशोक केसी पक्राउ पर्नुभएको छ ।

सिद्धार्थनगर नगरपालिका–५ मा रहेको उक्त सहकारीका शेयर सदस्य तथा बचतकर्ताको ५ करोड ९० लाख ८४ हजार १६५ रुपियाँ हिनामिना गरेको अभियोगमा केसी पक्राउ पर्नुभएको हो ।

बचतकर्ताको रकम हिनामिना गरी फरार रहेका दोलखाको मेलु गाउँपालिका स्थायी घर भएका ३४ वर्षीय केसी  पक्राउ परेको जिल्ला प्रहरी कार्यालय रुपन्देहीका सूचना अधिकारी डिएसपी गणेश सापकोटाले बताउनुभयो ।

केसीलाई प्रहरी वृत्त ठिमी भक्तपुरको सहकार्यमा भक्तपुरको मध्य ठिमी नगरपालिका वडा नं ३ बाट पक्राउ  गरेर रुपन्देही ल्याएको प्रहरीले जनाएको छ ।
 केसी वैशाख २० गतेदेखि फरार हुनुहुन्थ्यो ।

नागरिक अनलाइन

लेखकबाट थप

• बिहिवार, श्रावण १५ २०८२०६:२०:१८

• Tags:

  # सहकारी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान