सोमवार, श्रावण ५ २०८२

लुम्बिनी प्रदेश : एक बर्षमा ३ हजार ४७९ दुर्घटना,५०६ जनाको मृत्यु

नागरिक अनलाइन

999

लुम्बिनी प्रदेश : एक बर्षमा ३ हजार ४७९ दुर्घटना,५०६ जनाको मृत्यु

बुटवल,साउन ५ ।

लुम्बिनी प्रदेशमा एक बर्षको अवधीमा ३ हजार ४७९ दुर्घटना हुँदा ५०६ जनाको मृत्यू भएको छ । नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवलले आईतबार पत्रकार सम्मेलन गरी गत वर्षको तुलनामा दुर्घटना र मृत्यू संख्या बृद्धि भएको जनाएको हो ।

आर्थिक बर्ष २०८०-०८१ मा एक हजार १२० र्दुटनाबाट ४९६ जनाको मृत्यू भएको प्रहरी तथ्यांक छ । भर्खर सकिएको आर्थिक बर्ष २०८१-०८२ मा दुर्घटना झन्डै तेब्बरले बृद्धि भएको छ । तर, मृत्यू हुनेको संख्या भने १० जनाले बृद्धि भएको छ ।

२०८१ साउनदेखि २०८२ असारमसान्तसम्म लुम्बिनीका १२ जिल्लामा ४०५ पुरुष र १०१ जना महिला गरी ५०६ जनाको मृत्यू भएको प्रहरी उपरीक्षक मित्रबन्धु शर्माले बताए । उनका अनुसार दुर्घटनाको संख्या निकै धेरै भएपनि मानवीय क्षती भएको छ ।

दुर्घटनामा परी ५ हजार ६११ जना घाईते भएका छन् । अघिल्लो आर्थिक २०८०-०८१ मा १ हजार ६९३ जना घाईते भएका थिए । ‘दुर्घटना धेरै भएकाले घाईतेहरुको संख्या बढि देखिएको छ’ प्रहरी उपरीक्षक शर्माले भने । १२ जिल्लामध्ये दुर्घटनामा परी सबैभन्दा धेरै रुपन्देहीमा १२१ जनाको मृत्यू भएको छ ।

लुम्बिनी प्रदेशकाे दुर्घटनामा मृत्यु :

जिल्ला	२०८०-०८१ को मृत्यु संख्या	२०८१-०८२ को मृत्यु संख्या
रुपन्देही	१०७	१२१
न.प.पश्चिम	३०	४६
कपिलवस्तु	७६	७३
पाल्पा	३६	२६
गुल्मी	९	१०
अर्घाखांची	१३	१५
दाङ	९९	७८
बांके	६६	७०
बर्दिया	२६	३८
प्यूठान	१३	९
रोल्पा	२०	१७
रुकुम पुर्व	१	३

यसैगरी दाङमा ७८ जना, कपिलबस्तुमा ७३, बाँके ७० जनाको मृत्यू भएको तथ्यांक छ । यसैगरी नवलपरासी (पश्चिम) मा ४६, पाल्पामा २६, गुल्मीमा १०, अर्घाखाँचीमा १५, बर्दियामा ३८, प्यूठानमा ९, रोल्पामा १७ र रुकुम पूर्वमा ३ जनाको मृत्यू भएको प्रहरी उपरीक्षक शर्माले जानकारी दिए ।

उनका अनुसार १२ वटै जिल्लामा एक वर्षको अवधिमा सवारी नियम उल्लघन गरेका १ लाख ७० हजार ८० सवारीलाई कारवाही गरिएको छ । सवारी कारवाहीबाट जरिवाना वापत १७ कराृड ८३ लाख ८३ हजार ४९१ रुपैयाँ राजस्व संकलन भएको प्रहरी उपरीक्षक शर्माले बताए । सवारी नियमको पालना भने अघिल्लो आर्थिक वर्ष २०८०-०८१ को तुलनामा कम भएको देखिएको छ । ८०-०८१ मा २ लाख ३३ हजार ९६ सवारीलाई कारवाही गरिएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)